Terus ngagai penerang

Saksi-Saksi Jehovah

Pilih bansa jaku Iban

TANYA ARI BALA NEMBIAK

Nama Patut Digaga Aku Enti Aku Ngelanggar Atur Apai Indai?

Nama Patut Digaga Aku Enti Aku Ngelanggar Atur Apai Indai?

Ba baruh bisi madahka chara mutarka penanggul nya enggau manah.

Anang bula. Enti nuan enda madahka utai ti amat ngagai sida, sida tusah agi deka pechayaka nuan. Nya kebuah, padahka meh utai ti nyadi enggau terang sereta silik.—Jaku Dalam 28:13.

  • Enda ibuh bebendar ngetanka diri tauka kelalu enda bedulika utai ti udah nyadi.

  • Seruran ingat, “Saut ti nelap ngasuh orang badu agi ringat.”—Jaku Dalam. 15:1.

Minta ampun. Nuan udah ngasuh apai indai nuan irau, asa, tauka napi utai ti enda manah. Nya kebuah, enti nuan minta ampun, engka sida deka ngurangka agi ukum ke deka diberi sida ngagai nuan. Tang, nuan patut amat-amat nesal enggau penyalah diri.

Nerima asil iya. Enti nuan ngaku penyalah diri lalu nerima ukum ke diberi, nya nunjukka nuan bepenemu. Tunjukka diri udah berubah, ngambi apai indai nuan deka pechayaka nuan baru. Nya meh utai ti pemadu manah ti ulih dikereja nuan.—Jaku Dalam 20:11.

Kingatka, apai indai nuan bisi tanggung pengawa nyaga ulah nuan. Nya kebuah Bup Kudus ngajar pasal “utai ti diasuh apai nuan” sereta “utai ti udah diajar indai nuan.”—Jaku Dalam 6:20.

Enti nuan deka apai indai meri nuan mayuh agi pengelepas

  • Ngembuan nama ti manah ba mua sida sereta ngasika atur ti ditetapka.

  • Belajar meh ngasi ba pengidup. Enggau chara tu, nuan deka nemu sapa diri empu sereta pemanah kualiti ti dikemansangka nuan.