Terus ngagai penerang

Saksi-Saksi Jehovah

Pilih bansa jaku Iban

Baka Ni Aku Patut Nembuka Semua Kereja Sekula Tu?

Baka Ni Aku Patut Nembuka Semua Kereja Sekula Tu?

Nama ulih digaga nuan

Giga endur belajar. Nya patut endur ti nadai utai ngachau. Manah agi enti bisi mija. Anang masang TV.

Masa nya baka seiku kuda ti laju—nuan patut belajar baka ni mutarka nya

Perundingka nama patut dikenuluka. Laban utai ke dipelajarka nuan nya berat bendar, nuan patut ngereja pengawa sekula dulu.

Anang betangguh. Ngaga siti jadual dalam kereja sekula, lalu titihka meh.

Bisi pelan. Pilih ni bagi subjek ke deka dikenuluka nuan, ni ke keterubah, kedua, enggau pengudah nya. Rintaika nya dalam siti keretas, udah nya tatakka jam ngaga tiap iti nya. Gariska tiap iti kereja sekula ke udah digaga nuan.

Ngetu enda lama. Enti nuan ngasaika diri lelak, ngetu meh enda lama. Tang patut ngereja pengawa sekula nuan enggau jampat.

Pechaya meh ngagai diri empu. Kingatka, bisi bida entara orang ke pintar enggau orang ke lemi nya bekaul enggau chara sida belajar. (Jaku Dalam 10:4) Nuan ulih mujur ba sekula. Gawa enggau bagas, lalu nuan deka bulih berekat iya.