Terus ngagai penerang

Saksi-Saksi Jehovah

Pilih bansa jaku Iban

TANYA ARI BALA NEMBIAK

Kati Patut Kami Putus? (Begian 2)

Kati Patut Kami Putus? (Begian 2)

Keterubah, giga maya sereta endur ti ngena berandauka pekara tu. Baka ni?

Perundingka, nama dikedekaka nuan kereja orang bukai ngagai nuan? (Matthew 7:12) Enti bisi orang deka mutuska kaul iya enggau nuan, kati nuan deka iya ngereja nya ba mua orang mayuh? Tentu enda.

Anang sesekali mutuska kaul seduai nengah talipun, mesej, tauka email. Tang, ngiga meh awak enggau endur ti ngena berandauka pekara ti berat tu.

Nama utai ke patut disebut nuan? Rasul Paul meransang orang Kristian “badu agi bula!”—Epesus 4:25.

Lebuh bejaku, nuan enda patut bungah tang tunjukka basa. Terangka kebuah nuan ngasaika kaul seduai nya enda ulih diteruska.

Nuan enda patut bejai tauka nuliska tiap iti penyalah iya. Chunto, anang nyebut leka jaku baka, “Nuan enda baka tu” tauka “Nuan enda kala ngaga tu.” Manah agi nuan madahka asai ati diri baka, “Aku begunaka seiku orang ti . . .” tauka “Aku ngasaika tua patut putus laban . . .”

Anang ngubah runding diri tauka ketegal jaku orang bukai. Kingatka, nuan empu milih putus ketegal kebuah ti berat. Nya alai, bejimat meh enti iya bebendar ngumbuk tauka nguji ngubah runding nuan. Seiku nembiak indu ke benama Lori madah, “Pengudah aku putus enggau iya, iya pepura tusah ati. Aku ngasaika iya semina minta kasih aja. Taja pan aku kasih meda iya, tang aku tetap enggau pemutus aku.” Baka Lori, nuan patut nemu utai ke deka digaga nuan. Tetap meh bepegai tegut ba pemutus nuan, lalu anang sesekali ngubah runding.—James 5:12.