Terus ngagai penerang

Saksi-Saksi Jehovah

Pilih bansa jaku Iban

Baka Ni Enti Aku Enda Rindu Ngagai Sekula?

Baka Ni Enti Aku Enda Rindu Ngagai Sekula?

Tu utai ke diguna nuan

Runding ti manah pasal belajar. Nguji meda pemanah iya. Ukai semua utai ba sekula nya beguna—engka ke diatu aja. Tang, pemandai nya ulih nulung nuan meretika agi gaya dunya ke ngelingi nuan. Nya nulung nuan “nyadi semua macham utai ke semua mensia,” meri nuan pengelandik ngambika ulih berandau enggau orang ke datai ari mayuh chara pengidup. (1 Korint 9:22) Tu mega ulih ngasuh nuan mansang agi ba chara berunding—nya tentu ulih nulung nuan ba mayuh utai.

Tama sekula nya sempama nuan nebas ba babas–tang nya ulih dikereja enti nuan bisi perengka

Runding ti manah pasal pengajar nuan. Enti nuan ngasaika pengajar nuan nya enda pandai ngerindang, mengkang beberatka meh ba utai ke diajar iya, ukai iya. Kingatka, pengajar nuan udah ngajar utai ti sama ngagai mayuh orang. Tu engka pedis ba iya seruran gagit ati baka selama dibandingka enggau taun keterubah iya ngajar.

Chara: Kingatka, tanya penerang ke mayuh agi enggau bebasa, lalu ayanka pengagit ati ke subjek nya. Pengagit ulih meransang orang bukai.

Berunding manah pasal pengelandik nuan. Sekula ulih mansutka pengelandik nuan. Paul nulis ngagai Timoti: “Aku besampi ngambika nuan cheregas bekunsika pengarap,” (2 Timoti 1:6) Ketegal nya, Timoti bulih roh kudus ti sempama pemeri. Nya kebuah iya patut ngena “pemeri” nya enggau manah ngambika enda dibasau. Endang amat pemandai nuan ukai utai ti terus diberi Petara. Taja pia, pengelandik ke dikembuan nuan nya nyadika pemanah ke nuan empu. Sekula ulih ngayanka pengelandik ke enda ditemu nuan empu.