Terus ngagai penerang

Saksi-Saksi Jehovah

Pilih bansa jaku Iban

22 APRIL 2019
ZIMBABWE

Saksi-Saksi Jehovah Ngeluarka Bup Kudus Salin Dunya Baru dalam Bansa Jaku Shona

Saksi-Saksi Jehovah Ngeluarka Bup Kudus Salin Dunya Baru dalam Bansa Jaku Shona

Kena 17 Mac 2019, Menyadi Kenneth Cook seiku ari Raban ti Ngiring ngeluarka Bup Kudus Salin Dunya Baru dalam bansa jaku Shona. Pengawa ti spesial tu dipejalaika ba Palan Gempuru Besai Harare di Zimbabwe. Pengudah tiga taun, Bup Kudus tu pan dikeluarka.

Nyauka 2,500 iku bala menyadi datai ngulu ba pengawa tu. Dalam urung 43,000 bala menyadi bukai bisi enggau pengawa tu, ba 295 iti Palan Gempuru sereta 4 iti Palan Gempuru Besai bukai, dipandangka terus nengah internet. Seiku menyadi madah, “Aku enda sabar deka ngena Bup Kudus Salin Dunya Baru maya nginjil. Leka jaku iya senang sereta negu ati. Orang tentu ransing deka macha Bup Kudus. Kami chukup beterima kasih ngagai Petara Jehovah ke pemeri tu.”

Bup Kudus tu tentu beguna ngagai 38,000 Saksi-Saksi Jehovah ke ngena bansa jaku Shona. Kelimpah ari nya, sida ulih ngena nya kena madahka berita manah ngagai lebih ari 9,000,000 iku orang ke ngena bansa jaku tu. Tu kira 80 peratus ari peranak menua Zimbabwe.

Jehovah merekatka projek nyalin Bup Kudus Salin Dunya Baru tu di serata dunya. Tu ulih dipeda lebuh Bup Kudus Salin Dunya Baru dikeluarka ngagai mayuh bengkah bansa jaku. Kitai gaga ati laban Jaku Iya ulih disediaka dalam mayuh bansa jaku ke ditemu mayuh orang.—Kereja Rasul 2:8.