Terus ngagai penerang

Saksi-Saksi Jehovah

Pilih bansa jaku Iban

19 OKTOBER 2018
RUSIA

Saksi Jehovah ba Rusia Dituduh Ngembuan “Senyata” ke Ulih Ngemedis ba Pengawa “Extremis”

Saksi Jehovah ba Rusia Dituduh Ngembuan “Senyata” ke Ulih Ngemedis ba Pengawa “Extremis”

Bisi beberapa iti berita entarabansa meri riput pasal perintah Rusia tetemuka “senyata” ke dikembuan seiku Saksi Jehovah ba menua Kirov, Rusia. Tang iya ke amat, “senyata” nya ditemu ba rumah seiku orang ke ukai Saksi Jehovah. “Senyata” nya mega, tiga iti utai ke ditinggalka maya Perang Dunya II iya nya, dua iti bom grenade (bom jari) enggau siti bom periuk api. Tang, ketiga-tiga iti bom nya udah enggai nyadi agi. Bini orang ke ngempu “senyata” nya endang amat seiku ari Saksi Jehovah, tang iya empu pan enda nemu laki iya kala ngembuan bom nya.

Lelaki ke ngembuan “senyata” nya kala nyadi “Poisk,” tauka “orang ke ngiga” ba Rusia. Pengawa iya ngiga bangkai soldadu ke mati maya Perang Dunya II ngambika bangkai nya ulih ditanam enggau chara ti bebasa agi. Ketegal pengawa iya tu, endang suah iya tetemuka utai ke dikena ba perang, nyengkaum senyata ke udah enggai nyadi agi.

Perintah ba Rusia endang enda ngetu-ngetu nuduh kitai, ngambika nama kitai ke rinduka pemaik nya dipejai. Tu ngingatka kitai pasal jaku ke kala disebut Jesus ngagai orang ke nyakal, sida deka “nyebut semua macham utai ti bula ngelaban kita.”—Matthew 5:11.