Terus ngagai penerang

Saksi-Saksi Jehovah

Pilih bansa jaku Iban

23 Mei 2019
RUSIA

Kot Ngapil Tetap enggau Pemutus Ukum Jil ke Dennis Christensen

Kot Ngapil Tetap enggau Pemutus Ukum Jil ke Dennis Christensen

Kena 23 Mei 2019, tiga iku hakim Kot Tinggi Oryol nulak apil ke digaga Dennis Christensen, lalu tetap enggau pemutus meri ukum jil pengelama enam taun, munyi ke udah dipadahka sebedau tu. Kira 80 iku bala menyadi Kristian kitai bisi datai ngagai kot lebuh ningaka pemutus nya. Kelimpah ari nya, bisi mega pegawai perintah ari Australia enggau Denmark datai. Pemutus kes tu udah diberitaka ngagai media ba serata dunya.

Kenyau ari tiga bulan ti udah, pengudah menyadi Christensen ditetapka kena ukum jil ba bulan Februari, bisi 115 iti rumah bala Saksi Jehovah diabas orang ke gawa perintah enggau ngenyit. Pia mega, bisi tiga kali lipat kes jenayah ke nuntung bala Saksi Jehovah nambah, dalam tiga bulan ti udah tu.

Aram meh kitai besampika menyadi Christensen enggau semua bala menyadi kitai ba Rusia. Kitai amat andal Jehovah “diau semak sida ke ngangauka Iya”, lalu terus nulung bala menyadi kitai ngambika mengkang berani, taja pan napi pemerinsa.—Masmur 145:18.