Terus ngagai penerang

Saksi-Saksi Jehovah

Pilih bansa jaku Iban

Kot Tinggi Oryol

17 MEI 2019
RUSIA

Kes Dennis Christensen ke Ngapil Deka Abis kena 23 Mei

Kes Dennis Christensen ke Ngapil Deka Abis kena 23 Mei

Kena Hari Empat, 16 Mei 2019, kes ningaka apil ari Dennis Christensen bejalai munyi ti udah dipadahka. Luyar ke mai kes tu ngagai kot sereta luyar ke ngarika Dennis ngenataika jaku simpul sida. Dennis mega bisi peluang bejaku ngarika diri empu pengelama nyauka sejam. Diplomat ari menua bukai enggau bala pemerita mega bisi datai. Tu amat meransang ati, laban taja pan udah dua taun berita Dennis ke ditangkap diberitaka ba serata dunya, orang ari serata dunya agi keran deka nemu pasal kes tu.

Sebedau tu, kes apil tu dijangka abis kena Hari Lima, 17 Mei. Tang bala hakim madahka sida deka nangguhka kes tu, nyentukka Hari Empat, 23 Mei, pukul 10 pagi. Dennis agi bisi peluang ngapil ngagai kot sebedau bala hakim madahka pemutus iya. Kitai bedau nemu sekalika pemutus tu deka dipadahka kena 23 Mei, tauka kot deka madahka pemutus tu ba haribulan bukai.

Kitai berasai diperansang lebuh meda menyadi kitai baka Dennis Christensen enggau Sergey Skrynnikov, ke seruran bisi runding ti positif taja pan disakal, lalu madahka pengeran sida ke deka mengkang tetap ati. Kitai mega berasai diperansang enggau teladan bala menyadi bukai di Rusia. Tu munyi ti dipadahka rasul Paul pasal orang Kristian di Tesalonika, lebuh iya nulis: ‘Nya alai kami empu temegahka kita di mua semua eklisia Petara, ketegal kita tan ati, enggau ketegal pengarap kita, taja pen kita natka semua macham pemerinsa enggau penusah.’—2 Tesalonika 1:4.