Terus ngagai penerang

Saksi-Saksi Jehovah

Pilih bansa jaku Iban

31 MEI 2019
ISRAEL

Nginjil ba Endur Orang Mayuh ngagai Beribu Iku Orang Datai ke Ngelawa Tel Aviv di Israel

Nginjil ba Endur Orang Mayuh ngagai Beribu Iku Orang Datai ke Ngelawa Tel Aviv di Israel

Berengkah haribulan 10 nyentukka 19 Mei 2019, Saksi-Saksi Jehovah ba Israel bebendar ngatur pengawa nginjil ba endur orang mayuh di Tel Aviv. Mayuh orang ari menua bukai datai, ketegal bisi mayuh pengawa adat asal diatur ba menua nya. Chunto iya, kena 14 nyentukka 18 Mei, Tel Aviv nyadika endur orang ngintu pengawa Pekit Lagu Eurovision, lalu dijangka abis nadai, dalam urung sepuluh ribu iku orang ke datai ari menua bukai datai ngagai pengawa tu.

Menyadi Gennadi Korobov, seiku ari orang ke ngatur pengawa nginjil tu madahka, “Bisi beribu iku orang ke datai ari menua bukai, deka datai ngagai Tel Aviv meda pengawa belagu tu. Tu meh peluang ti manah nginjil ngagai mayuh orang. Kami berasai gaga ketegal bisi 168 iku penginjil ari 22 iti eklisia ba Israel deka enggau pengawa tu.

Bala menyadi udah nyediaka troli nginjil ba lapan iti endur, berengkah ari 9 pagi ngagai 9 malam, ninting hari. Ketegal mayuh orang ari menua bukai, bala menyadi kitai mandangka litaricha dalam sepuluh iti bansa jaku. Iya nya, jaku Arab, Cina, Ibrani, English, Itali, Jepun, Jerman, Perancis, Rusia, enggau Spanyol.

Kitai amat andal pengawa ke spesial nya tentu ngetau mayuh asil ti manah ba Israel. Tu nunjukka, Saksi-Saksi Jehovah endang ‘seruran muji Jehovah.’—Masmur 34:1, 2.