Terus ngagai penerang

Saksi-Saksi Jehovah

Pilih bansa jaku Iban

Bisi tiga iku Saksi ari Georgia ke ngena baju asal sida empu begambar enggau dua iku menyadi ke datai ari menua bukai.

22 NOVEMBER, 2018
GEORGIA

Konvensyen Spesial ti Keterubah ba Tbilisi, Georgia

Konvensyen Spesial ti Keterubah ba Tbilisi, Georgia

Kena 20-22 Julai 2018, Konvesyen Spesial ti keterubah deka digaga ba Georgia. Bala menyadi ba menua nya, ngelaluka penatai ari 18 iti nengeri ke datai ari Tbilisi, iya nya nengeri besai Georgia, lalu sama begempuru ba konvensyen “Mengkang Berani”! Konvesyen spesial tu mandangka pasal pemesai pengerindu ba entara bala menyadi Kristian sereta nerima mayuh utai ke diguna ba pengarap. Maya tu mega, kitai ulih meda bala Saksi ti datai ari mayuh macham adat sereta sejarah pasal pengeransing sida.

Penyampau orang ke datai ngagai Olympic Palace tu, ti nyadi endur konvensyen kitai bisi 7,002 iku orang. Program sepemanjai konvensyen tu dipandangka terus ngagai kira-kira 80 iti endur ba Georgia. Enti nyengkaum tu, penyampau orang ke datai nyauka manggai 21,500 iku orang. Siti ari utai ke pemadu manah maya tu, bisi 208 iku menyadi kitai ke dibaptisa.

Kelimpah ari utai ke ulih meransang ba pengarap, bala menyadi ke datai ari menua bukai mega ulih meda adat sereta chara pengidup menyadi kitai ba Georgia. Kena ngelaluka penatai temuai, Saksi-Saksi Jehovah ke ba endur nya empu nyediaka sekeda tanda enggau musik asal. Pia mega, bisi mayuh macham pemakai asal ari Georgia, enggau endur ke semak bandar Tbilisi.

Tamaz Khutsishvili, seiku pengari ari pampang opis ba Georgia madahka, “Kesuah iya, pengawa ke bekaul enggau pengarap enda senang diatur ba Georgia. Tang, enda disadang, perintah ba endur tu tau ngemendarka kitai ngaga konvensyen ba ditu. Ketegal tu, kitai bisi peluang ngelaluka penatai bala menyadi kitai ngagai endur kitai. Tu siti penelaba ti seruran dikingatka.”—Rome 15:7.

 

Bisi 7,002 iku orang datai ngagai Olympic Palace kena 20-22 Julai 2018. Pia mega, program tu dipandangka terus ari mayuh endur ba Georgia. Lalu penyampau orang ke meda iya nya 14,912 iku orang.

Menyadi Stephen Lett, raban ti ngiring, ninting hari meri cheramah penutup.

Siti ari utai ke pemadu manah maya konvensyen tu iya nya, bisi 208 iku menyadi kitai dibaptisa. Kolam baptisa diengkahka ba tisi dinding batu ba Olympic Palace.

Program tu dipandangka terus ngagai 80 iti endur.

Menyadi ba endur nya empu ngelaluka penatai menyadi ari endur bukai. Seiku ari menyadi indu nya ngena tupi ke digaga ari bulu bedus. Tu suah dikena orang ke diau ba endur ti bebukit di Gerogia.

Kena 17 enggau 18 Julai, Saksi-Saksi Jehovah ba endur nya mandangka musik sereta tanda asal Georgia enggau dua iti video ke madahka sejarah pasal Saksi-Saksi Jehovah ba endur nya.

Saksi-Saksi Jehovah mandangka tanda Adjaruli (diambi ari nama Adjara, siti endur mit ba ujung barat daya nengeri tu, semak Laut Hitam). Bala menyadi kitai bekenaka gari ti bemacham kala ari endur nya.

Menyadi lelaki ke ba endur nya belaguka lagu enggau gaya (polifoni) ala Georgia tempo kelia.