Terus ngagai penerang

Saksi-Saksi Jehovah

Pilih bansa jaku Iban

12 FEBRUARI 2019
BRAZIL

Penusah ke Nyadi Ketegal Tekat Ai ba Brazil Pechah

Penusah ke Nyadi Ketegal Tekat Ai ba Brazil Pechah

Hari Lima, kena 25 Januari 2019, siti tekat ai ba Brumadinho, Menua Minas Gerais, Brazil pechah. Penusah tu ngujungka tanah tusur ti nabanka abis nadai 150 iku nyawa. Kelimpah ari nya, bisi 182 iku da agi bedau ditemu.

Ba Brumadinho, penyampau Saksi-Saksi Jehovah ba endur nya abis kurang 180 iku ari dua iti eklisia. Mayuh ari sida gawa ba endur tekat ai tu. Lebuh penusah tu benung nyadi, bisi sepuluh iku ari menyadi lelaki kitai gawa dia. Semilan iku ari menyadi kitai udah ditentuka selamat, tang kitai berasai tusah amat ati laban seiku ari menyadi lelaki kitai bedau ditemu. Menyadi kitai nya seiku ari tuai gempuru. Kelimpah ari nya, abis nadai lima iti ruang bilik Saksi patut dipindahka ngagai endur ti likun agi, lalu siti ari rumah sida abis rusak.

Seiku ari Komiti Pampang Opis enggau tuai ti ngabas datai ngagai endur ke kena penusah nya lalu meri peransang, sereta tulung ngagai menyadi kitai ke benung napi penusah tu. Aram meh kitai sama bela besampi ngagai Apai kitai ti di serega, ngambika Iya ulih terus meri pengelantang ba ati sereta ngeringka semua sida ke dituntung penusah tu.—Rome 15:5.