Terus ngagai penerang

Saksi-Saksi Jehovah

Pilih bansa jaku Iban

15 FEBRUARI 2019
AUSTRALIA

Bah Besai Nyadi ba Queensland, Australia

Bah Besai Nyadi ba Queensland, Australia

Ujan bangat ti nyadi ba begian timur menua Australia ngujungka bah besai. Ketegal penusah tu, mayuh endur nadai karan sereta mayuh mega bengunan rusak. Beribu iku orang dipindahka ngagai endur ti likun agi.

Pampang opis ba Australia madahka, 58 iku ari menyadi kitai ke datai ari tiga iti eklisia patut dipindahka ngagai endur ti likun agi. Sida diau enda lama enggau bala kaban belayan tauka bala Saksi Jehovah ke bukai. Bisi sepuluh iti rumah menyadi kitai kena laban penusah bah tu, lalu dua iti ari rumah sida anchur.

Pampang opis mega udah ngatur Komiti Tulung Pengerusak Alam meri bantu. Kelimpah ari nya, tuai ti ngabas sereta bala tuai gempuru ba menua nya empu datai ngabas kena ngeringka menyadi kitai ke napi penusah tu. Aram meh semua kitai besampi ngambi sida ulih terus tegap ba pengarap, sereta bulih peransang ari tulung bala tuai ke bepengerindu tu.—1 Peter 5:2.