Terus ngagai penerang

Saksi-Saksi Jehovah

Pilih bansa jaku Iban

Bala menyadi lelaki benung nyediaka nyauka lebih ari 400 iti troli ke dikena maya kimpin ba Buenos Aires.

6 NOVEMBER 2018
ARGENTINA

Kimpin Nginjil ba Endur Orang Mayuh Lebuh Sukan Olimpik ke Bala Nembiak Musin Angat 2018 ba Argentina

Kimpin Nginjil ba Endur Orang Mayuh Lebuh Sukan Olimpik ke Bala Nembiak Musin Angat 2018 ba Argentina

Kena 6 nyentukka 18 Oktober 2018, Sukan Olimpik ke Bala Nembiak Musin Angat 2018 diatur ba Buenos Aires, Argentina. Saksi-Saksi Jehovah ngaga kimpin ngambika ulih nginjil ba endur orang mayuh maya nya.

Atlet ari St. Kitts enggau Nevis mansang ngagai troli kitai. Ninting hari bisi beratus iti litaricha kitai diambi orang ke datai sepemanjai kimpin tu.

Lebih ari 4,000 iku atlet ari 206 iti nengeri, bepekit ba Sukan Olimpik ke Bala Nembiak Musin Angat tu. Tu pekit ti pemadu besai ba sukan ke semua bala nembiak ti beumur dalam urung 15 ngagai 18 taun. Ketegal mayuh atlet enggau orang ke datai ngagai Buenos Aires, Saksi-Saksi Jehovah ngena peluang tu bekunsika berita manah ari Bup Kudus ngagai semua orang ke datai maya nya. Bisi lebih ari 6.400 iku menyadi kitai enggau kimpin tu, lalu sida begunaka 390 iti troli ke dibuka, ba nyauka 100 iti endur.

Ketegal mayuh bala nembiak ba endur tu, bala menyadi kitai nyadung dua iti siri bup Pertanyaan Kaum Muda—Jawapan yang Praktis enggau brosur Saut Ngagai 10 Tanya Ari Bala Nembiak. Litaricha tu disediaka dalam mayuh bansa jaku nyengkaum, jaku Arab, Inggris, Jerman, Korea, Mandarin, Portugis, Perancis, Rusia, Sepanyol, enggau jaku bengal bisu Argentina. Dalam urung 790 iti litaricha kitai diambi orang ke datai, tiap hari.

Semua menyadi kitai ke enggau kimpin tu amat gaga ati ngerembaika pengadang pasal jemah ila ngagai sapa ke deka ninga, enda ngira tuai biak.—Masmur 110:3.