Terus ngagai penerang

Saksi-Saksi Jehovah

Pilih bansa jaku Iban

17 OKTOBER 2018
AMERIKA SERIKAT

Kabut Michael, Siti Ari Kabut ti Pemadu Balat ke Kala Nyadi ba Amerika

Kabut Michael, Siti Ari Kabut ti Pemadu Balat ke Kala Nyadi ba Amerika

Kena 10 Oktober 2018, Kabut Michael mangka Florida lalu ngerusak begian tenggara Amerika Serikat. Tu kabut ti pemadu balat ke kala nyadi ba Amerika Serikat. Lebuh berita tu benung ditulis, kabut tu udah nabanka 18 iku nyawa. Mayuh ari bengunan mega balat rusak.

Menyadi ke datai ari 94 iti eklisia ari 13 iti endur napi penusah tu. Taja pan nadai nyawa bebadi tang bisi tiga iku ari sida bakal. Nambahka nya, kabut tu ngerusak 528 iti rumah menyadi kitai sereta 34 iti Palan Gempuru. Bisi 39 iti Palan Gempuru putus karan.

Tulung ba utai ke diguna disediaka pampang opis Amerika Serikat. Pia mega, Komiti Tulung Pengerusak Alam sereta lebih ari 40 iku tuai ti ngabas mega meri bantu ke patut. Bantu ke diberi nyengkaum nyediaka pemakai, ubat, endur diau, sereta ai. Kelimpah ari nya, bala sukarela mega ngaduka mimit atap rumah sida endaika kelalu balat rusak. Sida mega meresi sekeda endur ke mayuh endur pun kayu ke tumbang. Bala menyadi kitai ke benung napi penusah tu mega diberi bantu ba pengarap.

Sama baka kitai, bala menyadi kitai ke ba Florida mega berasai lemi lebuh sida napi penusah ke nyadi ba dunya, nyengkaum pengerusak alam. Tang, sida amat andal Jehovah tentu deka terus nyaga nembiak Iya.—Masmur 142:5.