Terus ngagai penerang

Saksi-Saksi Jehovah

Pilih bansa jaku Iban

29 MEI 2019
AMERIKA SERIKAT

Utai ti Ngerinduka Ati ba Konvensyen Entarabansa 2019, “Pengerindu Enda Nemu Abis”!

Utai ti Ngerinduka Ati ba Konvensyen Entarabansa 2019, “Pengerindu Enda Nemu Abis”!

Atlanta, Georgia, Amerika Serikat

  • Haribulan: 17-19 Mei 2019

  • Endur: Stadium Mercedes-Benz ba Atlanta, Georgia, Amerika Serikat

  • Bansa Jaku ke Disediaka: Amharic, English, Rusia

  • Penyampau Orang Datai: 46,374

  • Penyampau Orang ke Dibaptisa: 314

  • Penyampau Bala Menyadi ari Menua Bukai: 5,000

  • Menua ke Dikelaluka Datai: Australasia, Brazil, Britain, Kanada, Chile, Colombia, Etiopia, Finland, Perancis, Greece, Hong Kong, Israel, Itali, Jepun, Kazakhstan, Belanda, Portugal, Romania, Scandinavia, Trinidad enggau Tobago

Bisi 24 iti konvensyen entarabansa ke deka diatur ba taun 2019. Konvensyen ba Atlanta tu konvensyen keterubah ba taun tu. Berita enggau gambar ke diayanka maya konvensyen entarabansa tu deka disimpan ba Ruang Berita di jw.org.

 

Seraban menyadi kitai begambar ba luar diwan konvensyen entarabansa

Menyadi Stephen Lett ari Raban ti Ngiring meri cheramah kepenudi kena Hari Enam

Bala menyadi kitai benung maptisa ba siti ari dua iti kolam ke dikena

Bala menyadi benung beratika program konvensyen nya dipejalaika

Sekeda ari 164 iku pekereja penuh jam, benung bejalai ba Stadium Mercedes-Benz ba begian ke penudi kena Hari Minggu. Sida datai ari mayuh bengkah menua

Menyadi ke datai ari menua bukai sama nginjil enggau menyadi ba menua nya

Menyadi ke datai ari menua bukai ngena gari asal sida lalu begambar

Bala anak mit benung megai jaku ti meransang ngagai menyadi ke datai ari menua bukai ke bebunyi: “Paradais Udah Semak. Betemu Baru ba Paradais”

Ba hari penudi konvensyen nya, bala menyadi ke datai ari menua bukai ngena gari asal Etiopia

Bala menyadi kitai ngaga program kena merindang semua temuai ke datai, lalu ngepaika jari sida ba penudi program nya. Leka jaku, “Kami Sayauka Kitai!” ulih dipeda ba belakang pentas