Twende kovidio oini

Twende komurya

Ovahongonone vaJehova

Toorora eraka Otjiherero

Kenneth E. Cook, Jr., nomukazendu we, Jamie

Okaṋepo okape kOrutu Orunane

Okaṋepo okape kOrutu Orunane

OMUHUKA omunene wa Ritjatatu, 24 ku Januari 2018, eṱunḓu roBetel moUnited States nora Canada va ri nondjoroka okuzuva omatjivisiro nga: Mbuti Kenneth Cook, Jr., wa rire okaṋepo kOrutu Orunane rwOvahongonone va Jehova.

Mbuti Cook wa kwaterwa nu wekurire moPennsylvania, tja U.S.A. Peye ma mane oskole ye, eye we rihonga ouatjiri okuza komukwao ngwaave hiti pamwe, nu wa papitisiwa tji ya ri 7 ku Juni 1980. Tji ya ri 1 ku Septemba 1982, eye wa uta okukarera otjomukandjira woruveze aruhe. Kombunda yokukarera otjomukandjira oure wozombura 2, eye wa ṋangwa okukavatera poBetel, nu tji ya ri 12 ku Oktoba 1984 eye wa uta notjiungura tje ho moWallkill, tja New York.

Oure wozombura 25, Mbuti Cook aa vatere morupa rOmaprindiro na pOmberoo yoBetel. Mombura ndji 1996, wa kupa Jamie, nu va uta okuungura pamwe moWallkill. Mu Desemba 2009, Mbuti na Sisi Cook va hindwa ko-Watchtower Educational Center moPatterson, tja New York, nu ingo Mbuti Cook wa kaungura mOrupa ndu zira Omapuriro nge za motjiungura tjokuzuvarisa. Mu April 2016, tja za nokukotoka koWallkill, Mbuti na Sisi Cook va hindwa koBrooklyn, tja New York. Omieze 5 kombunda ya nao, owo va tjindira komberoo ohongora moWarwick, tja New York. Mu Januari 2017, Mbuti Cook wa zikwa otjomuvatere wOkomiti Otjange yOrutu Orunane.