Toora ongurameno yokukara munda waMukuru. 1 Petrus 5:6-9

O kara norupa motuzo ngamwa atuhe tu tu ri ombirukira nOmbeibela. Pe hepa ouvanḓe okutjita nao.

O ri twa moviṋa vyopolotika vyoviwaṋa, ovyo kavi yandja oruvara ku Jehova nOuhona we.

 Toora omikambo omisemba mokupuratena ku Mukuru. Mateus 7:24, 25

Pangasana nOvahongonone vaJehova; owo mave ku vatere okutumbuka popezu na Mukuru.

Kayende komurungu okurihonga ohunga na Mukuru nu kondja okuyandja ombakatwi komatwako we.

Ongamburiro yoye tji ya hara omasa, ove mo sokuyandja omuinyo woye ku Jehova nu o papitisiwa.—Mateus 28:19.

Puratena ku Mukuru. Lesa Ombeibela, nu ningira Ovahongonone vaJehova ve ku vatere okuizuva nawa. Okuzambo ṱakamisa imbi mbi mo rihongo. Indu tji wa tjiti nao, ove mo hupu nga aruhe.—Epsalme 37:29.