Twende kovidio oini

Ovaṱi mape ya tjiri ave kara nomuinyo rukwao?

Ovaṱi mape ya tjiri ave kara nomuinyo rukwao?

Ove otjo tja . . .

  • ii?

  • kako?

  • poo ngahino?

OMBEIBELA MAI TJA

“Ovandu avehe ovawa novavi mave penduka movakoke.”—Oviungura 24:15.

ONDJIVIRO NDJI MAI KU VATERE VI?

Okutjiwa otjiṋa hi matji ku huhumiṋa tji wa zepaisa ovasuverwa voye.—2 Ovakorinte 1:3, 4.

Mai ku vatere kutja o ha tira onḓiro.—Ovaheberi 2:15.

Nu mai ku pe omaundjiro wokukahakaena novasuverwa voye rukwao.—Johanes 5:28, 29.

MATU YENENE OKUKAMBURA MOMBEIBELA TJIRI?

Ii tjinene, mena romapu yetatu nga:

  • Mukuru ongwa uta omuinyo. Ombeibela i tja Jehova Mukuru “oruharwi rwomuinyo.” (Epsalme 36:9; Oviungura 17:24, 25) Mena rokutja Jehova ongwa twa omuinyo moviutwa vye avihe, okutja tjiri ma yenene okukotora omuinyo waimba mba ṱa.

  • Mukuru wa pendura ovandu morukapitaveze. Ombeibela i tamuna ovandu hambondatu mba pendurwa. Tjiva va ri ava ṱa oure wokaruveze okasupi uriri, posi yokutja umwe wa ri momayendo oure womayuva yane!—Johanes 11:39-44.

  • Mukuru u nonḓero yokutjita nao rukwao. Jehova wa tonda onḓiro; eye u i vara otjomunavita. (1 Ovakorinte 15:26) Eye “u nonḓero” yokuyandeka omunavita ngwi okupitira mombendukiro. Jehova u vanga okukotora ovandu avehe mbe ri mourizemburuka we komuinyo nu u vanga kutja ve hupe kombanda yehi rukwao.—Job 14:14, 15NW.

RIPURIRA KU IMBI

Ongwaye tji tu kurupa nokukoka?

Ombeibela mai ziri epuriro ndo mu GENESIS 3:17-19 nOVAROMA 5:12.