Twende kovidio oini

Twende komurya

Ovahongonone vaJehova

Toorora eraka Otjiherero

Ove hapo u vanga kutja omakwizikiro wOuhona ye yenenisiwe?

 ORUPA 7

Omakwizikiro wOuhona—Oviṋa avihe mavi yarurwa koupe

Omakwizikiro wOuhona—Oviṋa avihe mavi yarurwa koupe

 NGATU tje ove wa pora otjiapla tji tja hora nawa okuza komuti. Oṋuka omuano mbu matji ṋuka nawa ngunda au hiya twa motjimbamba mu mu novikwao. Ove wa u hara amo ungura ozoiri ozonde, posi yokutja ngunda koya urwa nu mo vanga okukayenda komurungu noviungura. Nyoko wa kurama pomuti wopopezu, ma ungura nondjoroka nokuserekarera ku novandu varwe veṱunḓu reṋu nomapanga weṋu ngu maye vatere okupora ovihape. Eye ma munika oumutanda tjinene, tjimuna indu tjaa munika ove tji wa ri omuatje ozombura nḓa kapita. Ouzeu okukambura kutja mouye oukuru nambano mbwa kapita ove we mu muna ama yende ama kurupa. Ove we mu muna tja ngundiparisirwe i omitjise, wa ṱiza eke re indu tja ri pokuṱa, nu okaririra peyendo re. Nambano tara eye ngwi, puna varwe mba kotorwa komuinyo rukwao nu mba veruka!

Matu tjiwa kutja omayuva otja ingo maye ya. Matu tjiwa otjiṋa hi mena rokutja omakwizikiro waMukuru aruhe ye yenenisiwa. Morupa ndwi, matu kakonḓonona omuano omakwizikiro wOuhona mu maye kayenenisiwa moruyaveze rwopopezu, noviṋa mbi mavi katjitwa komurungu wovita vyaArmagedon. Nu wina matu katara komakwizikiro omawa wOuhona ngu maye kayenenisiwa kombunda yanao. Tjiri matu ka kara nonyuṋe indu Ouhona waMukuru tji wa utu okuhonaparera ehi arihe, nokuyarura oviṋa avihe koupe!

MORUPA NDWI

EKONDWA 21

Ouhona waMukuru mau isa po ovanavita na wo

Ove mo yenene okurirongerisa nai kovita vyaArmagedon.

EKONDWA 22

Ouhona waMukuru mau yenenisa ombango ye kombanda yehi

Mo yenene vi okukara nongamburiro kutja omakwizikiro waJehova maye yenenisiwa?