Twende kovidio oini

Twende komurya

Ovahongonone vaJehova

Toorora eraka Otjiherero

Komamuho: Omukazendu omuyandje womambo ngu ma zuvarisa moKorea, 1931; Komanene: Okuzuvarisa meraka rovikume moKorea ndino

 ORUPA 2

Okuzuvarisa ohunga nOuhona—Okuzuvarisa ombuze ombwa mouye auhe

Okuzuvarisa ohunga nOuhona—Okuzuvarisa ombuze ombwa mouye auhe

 NGATU tje ove we rirongerisa okukazuvarisa rukuru mombo, meyuva ndu wa suva okuza koviungura vyoye. Nu outu okukeyakeya kaṱiṱi, nokurimuna okuurwa. Omuhuka mau munika nawa, okusuva kaṱiṱi! Posi yokutja okumbire otjiṋa hi okuzambo otye kutja mo i. Arire tji wa kaungura pu nomukazendu omukambure nu omunene motjiwondo, nu onḓaro orure nomutima we omuwa arire tji we ku ṱunu tjinene momuinyo. Nu otja tji mo zuvarisa ombuze okuza kondjuwo nondjuwo, arire tji wa utu okumuna kutja ovakambure ovakweṋu mouye auhe wina ve zuvarisa ombuze otjingeyo, ve ungurisa omambo otjingewo nu ve vaterwa i omahongero otjingewo nge ku vatera. Tji wa kavaza konganda, outu okurimuna omasa omahimise. Nu arire tji wa utu okutjaterwa kutja kokarere ponganda!

Kundino, otjiungura tjOvakriste tjokuzuvarisa ootjiungura otjinanḓengu tjinene tjOuhona waMukuru. Jesus wa kwizika kutja otjiungura tjokuzuvarisa matji ungurwa pondondo yokombanda momayuva omasenina. (Mat. 24:14) Omakwizikiro nga ya yenenisiwa vi? Morupa ndwi, matu kakonḓonona ovandu mbaave zuvarisa, omiano noviungurisiwa mbya ri ovinanḓengu tjinene kotjiungura tjokuzuvarisa tjOvakriste, nu nai mbi vatera ovandu omangete omengi mouye auhe okumuna ounanḓengu wOuhona waMukuru.

MORUPA NDWI

EKONDWA 6

Ovandu mbe zuvarisa—Ovazuvarise ve riyandjera oveni

Ongwaye Jesus tja ri nongamburiro kutja ma kara novayandjaruvara overiyandjere momayuva omasenina? Mo yenene okuraisa vi kutja Ouhona ootjiṋa otjitenga mehupo roye?

EKONDWA 7

Omiano vyokuzuvarisa—Okuungurisa omiano avihe okuvasisa ombuze kovandu

Rihonga ohunga nomiano pekepeke ovakarere vaMukuru mbi va ungurisa kutja ve vasise ombuze ombwa kovandu ovengi ngunda omaandero aye hiye ya.

EKONDWA 8

Oviungurisiwa vyokuzuvarisa—Omaunguriro womambo kotjiungura tjokuzuvarisa mouye auhe

Oviungura vyetu vyomatorokero vi raisa vi kutja tu ungura nombatero yOmbara? Oviṋenge viṋe ohunga nomambo wetu mbi ku raisira kutja Ouhona otjiṋa otjinanḓengu?

EKONDWA 9

Ovikongorere ko vyomazuvarisiro—‘Momahi womakunino ovikunwa vya hapa nu vi ri pokukondwa!’

Jesus wa honga ovahongewa ve oviuṋe vivari ovinanḓengu ohunga nomakondero wovandu omanene. Oviuṋe mbi mavi ṱunu vi ku eṱe ndino?