Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 9

Omuano omusembasemba wokurirongerera ozombongarero zombongo oouṋe?

Omuano omusembasemba wokurirongerera ozombongarero zombongo oouṋe?

Kambodia

Ukraine

Indu tji u rihonga Ombeibela puna umwe wOvahongonone vaJehova, mape ya kutja u rirongerera omerihongero woye ngo komurungu woruveze. Onawa wina tji we rirongere komurungu woruveze ngunda au hi ya ya kozombongarero zombongo. Tji twa tjiti nai otjikando atjihe matu munu mo ouwa.

Ripura kutja mo rihongere porungeveze nu oiri iṋe. Oruṋe tji mo yenene okuyandja ombango tjinene ku imbi mbi mo rihongo? Omuhuka omunene ngunda au hi ya uta oviungura poo ongurova kombunda yoviungura nu ovanatje tji va karara? Nandarire kutja ko nakuyenena okurihonga orure, twapo oruveze ndu mo rihongo nu u kondjise kutja ape ha kara otjiṋa tjarwe tji matji nana ombango yoye oruveze ndwo. Paha oruveze pu pa mwina, zemisa oradio, notivii nokangoze koye okayendjezewa kutja avi ha nana ombango yoye. Okukumba ngunda au hi ya uta okurihonga, maku ku vatere kutja u zembe omerikendero weyuva nu u yandje ombango kEmbo raMukuru.​—Ovafilipi 4:6, 7.

Nana omikoka kehi yaimbi mbi mo rihongo nu rirongera kutja u kakare norupa mombongarero. Utira pokukondja okuzuva nawa epu raimbi mbi mo rihongo. Ripurira kepu rekondwa, nu tara kutja orupa aruhe mekondwa ndo ru na tjike nepu ehungirirwa, nu u tare koviperendero nomapuriro wokurizemburukisa ngu maye ṋunisa omapu omananḓengu. Okuzambo lesa oparagrafa aihe, nu u pahe omaziriro komapuriro. Lesa omatjangwa aehe nga yandjwa, nu u ripurire kokutja maye ṋunisa vi epu ehungirirwa. (Oviungura 17:11) Indu tji wa munu eziriro, nana ko omukoka kehi kutja u yenene okuzemburuka indu tji u ri pombongarero yombongo. Okutja mo yenene okuyera eke pombongarero yombongo indu tji mo vanga okuyandja eziriro momambo woye omuini.

Indu tji wa konḓonona omapu pekepeke nge hungirirwa ko otjivike atjihe pombongarero yombongo, ove mo weza ondjiviro ombe ‘kondjiwo yoye yomapwikiro’ yondjiviro yOmbeibela.​—Mateus 13:51, 52.

  • Ove mo yenene okuriiririsa vi okurirongerera ozombongarero zombongo?

  • Ove mo yenene vi okurirongerera okuyandja eziriro pombongarero yombongo?