Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 11

Omena ratjike tji tu yenda komaworonganeno omanene?

Omena ratjike tji tu yenda komaworonganeno omanene?
 

Mexico

Ehi rOvandoitji

Ehi raTjawana

Nicaragua

Italy

Omena ratjike ovandu mba tji ve nondjoroka onene nai? Owo ve ri pomaworonganeno wetu omanene. Tjimuna ovakarere vaMukuru rukuru tji va raererwe okuworonganena pamwe ovikando vitatu mombura, eṱe wina tu yoroka tjinene tji matu i komaworonganeno wetu omanene. (Deuteronomium 16:16) Mombura aihe tu kara nomaworonganeno yetatu: omaworonganeno worukondwa yevari nge kambura eyuva rimwe, nomaworonganeno wotukondwa nge kambura omayuva yetatu. Omaworonganeno nga ye tu vatera vi?

Owo ye kurisa oupanga wetu kuna Ovakriste ovakwetu. Otja Ovaisrael tjaave yoroka okutanga Jehova “mombongo yotjiwaṋa tje,” eṱe wina tu kara nondjoroka okurikotamena ku ye povitjitwa vyapeke mbi. (Epsalme 26:12; 111:1) Omaworonganeno nga ye tu pa oruveze rwokuhakaena nokukara puna Ovahongonone vaJehova ovakwetu mbe za kozombongo zarwe poo nandarire komahi warwe. Ometaha tu rya pamwe poruveze rwomaworonganeno nga, nu ihi tji kurisira ko ombepo ombwa yomaworonganeno nga. (Oviungura 2:42) Pomaworonganeno wetu omanene nga, eṱe tu rimunina oveni orusuvero ndu tu kuta kumwe ‘novanangamburiro ovakweṱu’ mouparanga wouye.​—1 Petrus 2:17.

Omaworonganeno nga ye kurisa oupanga wetu na Jehova. Ovaisrael wina va muna ouwa indu tji “va zuva nawa” omatjangwa nga kahururirwe wo. (Nehemia 8:8, 12) Eṱe wina tu vara omahongero wOmbeibela ngu tu muna pozombongarero nḓa kutja omananḓengu. Oprograma aihe i kara nepu ehungirirwa okuza mOmbeibela. Okupitira momahungi omatjate, noviraisiro vyovitjitwa, eṱe tu rihonga okutjita ombango yaMukuru. Tji matu zuu omahungi waimba mbe kondja okuhupa otjOvakriste moruveze rwouzeu ndwi, eṱe tjiri tu yanḓipara. Pomaworonganeno wotukondwa pe kara omanyando wOmbeibela ovanyande mu ve rihwikika tjimuna ovandu ovakuru vOmbeibela, nu omanyando ngo ye tu honga okuhorera nawa imbi mbya tjitirwe. Pomaworonganeno aehe, imba mbu mave vanga okutjiukisa kutja ve riyandja ku Mukuru, ve papitisiwa.

  • Ongwaye omaworonganeno omanene tje ri ovitjitwa vyondjoroka?

  • Ouwa waye mbu mape ya o munu indu tji wa kara pomaworonganeno omanene nga?