Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 23

Omambo wetu ye tjangwa nokutorokwa vi?

Omambo wetu ye tjangwa nokutorokwa vi?
 

Orupa rwOmatjangero, U.S.A

South Korea

Armenia

Burundi

Sri Lanka

Kutja tu vasise ‘ombuze ombwa komihoko avihe na komaraka aehe na koviwaṋa avihe,’ eṱe tu pitisa omambo momaraka wokombanda 750. (Omavandururiro 14:6) Tu yenenisa vi oviungura ovizeu mbi? Tu vi ungura nombatero yovatjange notjimbumba tjovatoroke overiyandjere, avehe mbe ri Ovahongonone vaJehova.

Omambo nga rutenga ye tjangwa mOtjiingirisa. Orutu Orunane ru hongorera ovatjange mOrupa rwOmatjangero pomberoo yetu onene. Orupa rwomatjangero ndwi ru tjevera oviungura vyovatjange mbe ri pomberoo indji onene na potutavi tjiva twomberoo. Okukara novatjange vomihoko pekepeke ku tu vatera kutja tu yenene okuhungirira komapu nge kendisa ovandu avehe mouye.

Tjazumbo omatjangwa nga ye hindwa kovatoroke. Omambo ngo tji ya ṱunwa nokuyakurwa, ye hindwa kovimbumba vyovatoroke mouye auhe, mbe toroka, nokutara, nokulesa. Owo ve kondja okutoorora “nawa omambo wouatjiri” ngu maye hitasana na inga wOtjiingirisa.​—Omuzuvarise 12:10.

Ozokombiuta ze vatera kutja oviungura vyetu vi hakahane. Okombiuta kamaai yenene okupingena ovatjange novatoroke vovandu. Posi yokutja nombatero yozokombiuta oviungura vyovatoroke vi ungurwa hakahana indu tji mave ungurisa omambo womambo nge ri mozokombiuta, nomambo wokutjita omakonḓononeno. Ovahongonone vaJehova va ungura oprograma yokombiuta ndji isanewa Multilanguage Electronic Publishing System (MEPS). Moprograma ndji, omambo womaraka omengi ye yenena okuungurisiwa na ye sasanekwa ku noviperendero mbi ri mu imbi vyOtjiingirisa okuzambo aye rongerisirwa okupirindwa.

Omena ratjike tji tu tjita ozongondjero azehe nḓa okutoroka momaraka nandarire nge hungirwa i ovandu ovaṱiṱi motjivaro? Mena rokutja Jehova u “vanga kutja ovandu avehe ve ṋingapare nu ve vaze kondjiviro youatjiri.”​—1 Timoteus 2:3, 4.

  • Omomiano viṋe omambo wetu mu ye tjangwa?

  • Omena ratjike tji tu toroka omambo momaraka omengi?