Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 30

Rahab wa horeka ovakonḓonone vehi

Rahab wa horeka ovakonḓonone vehi

Indu ovakonḓonone vaIsrael tji va ya kotjihuro tjaJeriko, owo va kakara pondjuwo yomukazendu wena Rahab. Ombara yaJeriko ya zuva ohunga na wo nai hindi ovarwe vovita kondjuwo yaRahab. Eye wa horeka ovakonḓonone 2 momututu wondjuwo na hindi ovarwe vovita nondjira yarwe. Rahab wa tja kovakonḓonone: ‘Ami me mu vatere mena rokutja me tjiwa kutja Jehova uri puna eṋe nokutja mamu kambura ehi. Arikaneye ndji kwizikire kutja mamu yama ami puna eṱunḓu randje.’

Ovakonḓonone va raera Rahab nave tja: ‘Eṱe matu ku kwizikire kutja kapena omundu mondjuwo yoye ngu ma munu otjipo.’ Owo va tja: ‘Kuta ongoze oserandu moruiho nu eṱunḓu roye mari yamwa.’

Rahab wa herura ovakonḓonone nongoze okuza moruiho. Owo va ya kozondundu nave kaṱara ngo oure womayuva 3 okuzambo ave yaruka ku Josua. Tjazumbo Ovaisrael va konda Onḓonḓu Jordan nave rirongerisa okukambura ehi. Jeriko tja ri otjihuro otjitenga tji va kambura. Jehova we ve raera kutja ngave kondoroke otjihuro  otjikando tjimwe meyuva, oure womayuva 6. Meyuva oritjahambombari va kondoroka otjihuro ovikando 7. Ovapristeri va posisa ozohiva nu ovarwe vovita va ravaera nomasa. Otumbo twotjihuro twa wira pehi. Posiya ondjuwo yaRahab ndja ri kotjikoro kaina pu ya wira pehi. Rahab neṱunḓu re va yamwa mena rokutja Rahab wa ri nongamburiro mu Jehova.

‘Notjinga apa ri nao nomukazendu Rahab. Eye wa varwa otja omusemba komurungu waNdjambi moviungura vye, indu tja yakura ovahore vOvaisrael na indu tje ve vatera okutaura nondjira yarwe.’​—Jakobus 2:25