Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 36

Omakwizikiro waJefta

Omakwizikiro waJefta

Ovaisrael va isa Jehova rukwao, nave utu okurikotamena koomukuru wovisenginina. Ovaamoni tji va karwa kuna Ovaisrael, oomukuru wovisenginina mbo kaave yenene okuvatera Ovaisrael. Mozombura ozengi Ovaisrael va kara mouzeu. Korusenina, owo va tja: ‘Twa katuka. Arikana tu yama kovanavita na eṱe.’ Ovaisrael va nyanyaura oviserekarera vyawo nave utu okurikotamena ku Jehova rukwao. Jehova kaavanga okuvemuna amave munu ouzeu rukwao.

Omurumendu ependa wena Jefta wa toororwa okuhongorera Ovaisrael motjirwa kuna Ovaamoni. Eye wa tja ku Jehova: ‘Tji we tu vatere kutja tu taare otjirwa hi kuna Ovaamoni nu tji mba kotoka nawa okuza kovita, ami me yandja omundu omutenga  ngu ma piti mondjuwo yandje okundjitjakanena kove.’ Jehova wa puratena kongumbiro yaJefta nu e mu vatere okutaara otjirwa.

Jefta tja kotoka konganda, omundu omutenga ngwa pita mondjuwo ye wa ri omuatje we omukazona, eye ngwa ri omuatje we erike ṱii. Omukazona ngwi aa nyanda ongoma yomomake nokupunda. Nambano Jefta ma tjiti vi? Eye wa zemburuka omakwizikiro we na tja: ‘Arikana, mukazona wandje, mo ndji hihamisa omutima tjinene! Ami mba tjita omakwizikiro ku Jehova. Okuyeyenenisa ami me sokukuhinda kondjuwo Ye ondjapuke koSilo u kemukarere.’ Posiya omukazona we wa tja: ‘Tate, tji wa tjita omakwizikiro ku Muhona, tjita otja pu wa heya. Otjiṋa tji me ningire kove, okundjipa omieze vivari mbi kakare puna omapanga wandje mozondundu. Okuzambo mei.’ Omukazona waJefta wa karera pondjuwo yaMuhona nouṱakame oure womuinyo we. Ombura aihe omapanga we aaye kemutara koSilo.

“Auhe ngwa suvera omuna we nomuatje we omukazona okukapita Ami ka pwire okurira omuhongewa wandje.”​—Mateus 10:37