Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 24

Owo va teya omakwizikiro wawo

Owo va teya omakwizikiro wawo

Jehova wa tja ku Moses: ‘Indjo kwami kondundu. Me tjanga omatwako wandje komawe 2 ne yandja kove.’ Moses wa ronda kondundu na kakara ngo omayuva nomauṱuku 40. Ngunda eri ngo, Jehova wa tjanga Omatwako 10 komawe 2 na yandja ku Moses.

Kombunda yoruveze, Ovaisrael aave nangarasi Moses opuwo we vesa. Owo va tja ku Aron: ‘Matu vanga omundu ngu me tu hongorere. Tu ungurira omukuru!’ Aron wa tja ku wo: ‘Eteye ongoldo yeṋu.’ Eye wa zuzura ongoldo na ungura po ondana. Otjiwaṋa tja tja: ‘Ondana ndji eemukuru wetu ngwe tu pitisa moEngipte!’ Owo va uta okurikotamena kondana yongoldo, nave kara nomukandi omunene. Ihi tja ri otjiṋa otjivi po? Ii, mena rokutja otjiwaṋa tja tjita omakwizikiro wokutja matji rikotamene ku Jehova erike. Posiya otjo nai tja teya omakwizikiro ngo.

 Jehova wa muna oviṋa mbyaave tjiti, na raere Moses a tja: ‘Twende yaruka kotjiwaṋa. Owo kave nakupuratena kwami mave rikotamene ku mukuru woposyo.’ Moses wa heruka okuza kondundu, a handa omawe 2.

Otja tji ma yende ama ryama popezu nozondanda, Moses otja zuva ovandu mbu mave imbura. Tjazumbo ookuvemuna tji mave pundu nokurikotamena kondana. Moses wa pindikire tjinene. Eye wa yumba omawe 2 nga ri na wo momake pehi naye nyanyauka. Eye wa hakahana okunyanyaura ondana yongoldo ndjo. Okuzambo wa pura Aron a tja: ‘Ovandu ve ku tjiti vi kutja u tjite otjiṋa otjivi nai?’ Aron wa tja: ‘O pindike. Mo tjiwa kutja otjiwaṋa hi tji ri vi. Owo aave vanga mukuru wawo nu otjimbakambura ongoldo yawo ezuzura nu amu piti ondana ndji!’ Aron kaa sokutja wa tjita otjiṋa tjo. Moses wa ronda rukwao kondundu nekeriheka ku Jehova kutja me ve isire.

Jehova wa isira imba mba ri nonḓero yokupuratena ku ye. Mo munu nao kutja yari ounahepero pu pe ṱa pi kOvaisrael okupuratena ku Moses?

“Tji wa tjiti omakwizikiro ku Ndjambi, ye yenenisa nokuhinokuwomba, orondu Ndjambi ke nonyuṋe momayova. Yenenisa omakwizikiro woye.”​—Omuzuvarise 5:4