Twende kovidio oini

Twende komurya

Ovahongonone vaJehova

Toorora eraka Otjiherero

Omambo wokomeho wOrupa 4

Omambo wokomeho wOrupa 4

Orupa ndwi maru tjiukisa Josef, Job, Moses nOvaisrael. Owo avehe va raisa onḓaro orure tjaave rorwa i Satan. Tjiva vawo va tumbwa navi, va tuwa mondeko, va randisirwe moukarere nokuzepewa. Nungwari Jehova we ve yama momiano omingi pekepeke. Tji u novanatje, ve vatera okuzuva nawa kutja ovakarere vaJehova mbo va munine vi ouzeu nokuhina okupandjara ongamburiro yawo.

Jehova wa ungurisa Oviwonga 10 okuraisa kutja eye u nomasa tjinene kombanda yoomukuru vaEngipte. Ṋunisa kutja Jehova wa yama vi ovakarere ve morukapitaveze nokutja u ve yama vi ndino.

MORUPA NDWI

EHONGWA 14

Omukarere ngwa ri nonḓuviro ku Mukuru

Josef aa tjiti imbi ovisemba, posiya aa munu ouzeu. Ongwaye?

EHONGWA 15

Jehova kena pa zemba Josef

Nandarire kutja Josef wa ri kokure neṱunḓu re, Mukuru wa raisa kutja wa ri puna ye.

EHONGWA 16

Job wa ri omungendu?

Eye wa ri nonḓuviro ku Jehova nandarire tji kwa ri ouzeu okutjita nao.

EHONGWA 17

Moses wa toorora okukarera Jehova

Moses tja ri okaṱiṱi, eye wa yamwa i ondunge yaina ombwa.

EHONGWA 18

Otjihwa tjaatji pi

Ongwaye omuriro tji u ha nyosire otjihwa?

EHONGWA 19

Oviwonga vitatu ovitenga

Farao wa eta oumba kovandu ve mena rokutja wa ri omuritongamise tjinene okutoora omukambo omupupu uriri.

EHONGWA 20

Oviwonga hamboumwe mbya kongorera ko

Oviwonga mbi vya pangukire vi ku imbi ovitenga 3?

EHONGWA 21

Otjiwonga otjitjamurongo

Otjiwonga tji tjari otjizeu tjinene nga Farao omuritongamise tja yandjera Ovaisrael okuyenda.

EHONGWA 22

Otjihimise pOmurongawotuu

Farao wa tuurunga oviwonga 10, nu hapo wa yenena okuyamwa kotjihimise tjaMukuru hi?