Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 12

Jakob ongwa muna otjirumatwa

Jakob ongwa muna otjirumatwa

Isak wa ri nozombura 40 indu tja kupa Rebeka. Neye we mu suverere tjinene. Nu kombunda owo va panduka ovanatje 2 omapaha.

Otjiveri wa ri Esau nongero wa ri Jakob. Nu Esau wa suverere okukara mokuti nu wa ri omuyeve omuwa. Nu Jakob wa suverere okukara ponganda.

Momayuva ngo omuatje otjiveri ongwaa pewa ehi enenenene novimariva vyaihe, indu ihe tja ṱu. Ovyo aavi isanewa kutja ovirumatwa. Meṱunḓu raIsak ovirumatwa mbi aavi kamburire mo okukara norupa momakwizikiro Jehova nga tjita ku Abraham. Esau kari nonḓero tjinene momakwizikiro ngo, posiya Jakob aa tjiwa kutja owo omananḓengu tjinene.

Eyuva rimwe Esau tja kotoka konganda okuza mokuti tjandje wa urwa. Eye wa ṋuka ovikurya oviwa Jakob mbyaa ziki na tja: ‘Mba ṱondjara! Ndji pao oviṋa oviserandu mbyo.’ Jakob wa tja: ‘Me ku pe posiya rutenga tjita omakwizikiro kuna ami, kutja mo ndji pe otjirumatwa tjoye.’ Esau wa tja: ‘Ami hi nakonatja notjirumatwa tjandje! Kambura uriri. Otjiṋa tji me vanga ovikurya.’ Mo munu kutja Esau wa tjita otjiṋa otjiwa? Kako, katja ri otjiṋa otjiwa. Esau wa yandja otjiṋa otjihuze tjinene mena rovikurya.

Indu Isak tja kurupire tjinene, nambano yari oruveze rwokusera ondaya komuatje we ingwi  otjiveri. Posiya Rebeka wa vatera Jakob, ngwari omuangu, kutja ma serwe ondaya. Indu Esau tja kazuva otjiṋa hi, eye wa pindikire tjinene, nu wa tya okuzepa omuangu we. Isak na Rebeka aave vanga okuyama Jakob, nu otji ve mu raera kutja, ‘Twende u kakare puna omuṱena wanyoko Laban, nga Esau tja wisa omazenge pehi.’ Jakob wa puratena kondunge yovanene ve na taurisa omuinyo we.

“Pe nombatero yatjike omundu nanda munu ouye auhe, nu a pandjarisa omuinyo we. Notjiṋa otjinene tji tja sokuṱeka pomuinyo womundu otjikeṋa?”​—Markus 8:36, 37