Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 8

Abraham na Sara va kara nonḓuviro ku Mukuru

Abraham na Sara va kara nonḓuviro ku Mukuru

Popezu na Babel pari otjihuro tjaatji isanewa Ur, ovandu maave rikotamene koomukuru ovengi pendje na Jehova. Posiya mwa ri omurumendu moUr ngwee rikotamene ku Jehova. Ena re ra ri Abraham.

Jehova wa raera Abraham na tja: ‘Pita mehi roye na movazamumwe voye nu twende kehi, ndi me ku urikire.’ Okuzambo Mukuru we mu kwizikira na tja: ‘Ami me ku tjiti kutja u karire otjiwaṋa otjinene, nu me etere ovandu ouwa kombanda yehi mena rwoye.’

Abraham kaa tjiwa kutja Jehova me mu hindi pi, posiya eye wa ṱakama mu Jehova. Okutja Abraham nomukazendu we Sara na  ihe Terak, nomuatje womuangu waAbraham wena Lot, va kuta omitwaro vyawo nave toora ouyenda oure.

Abraham wa ri nozombura 75 indu eye neṱunḓu re tji va kavaza kehi Jehova ndaa vanga okuveraisira. Oro aa ri isanewa ehi raKanaan. Mehi ndo Mukuru omahungirira ku Abraham na tjiti omakwizikiro nga: ‘Ehi ndi me ri yandja kovanatje voye.’ Posiya Abraham na Sara va kurupire tjinene nu kava ri novanatje. Nu hapo Jehova mape ya a yenenisa vi omakwizikiro nga?

‘Omena rongamburiro Abraham tja ri nonḓuviro, indu eye tja tjindire a zu mo mehi re e hi nokutjiwa kutja ma i pi.’​—Ovaheberi 11:8