Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 92

Jesus me rimunikisa kovapate vomahundju

Jesus me rimunikisa kovapate vomahundju

Oruveze orusupi Jesus tja za nokurimunikisa kovaapostele, Petrus wa tya kutja ma kapata omahundju mOkuvare kwaGalilea. Tomas, Jakobus, Johanes novaapostele tjiva varwe va ya puna ye. Ouṱuku auhe aave kondjisa okupata omahundju posiya kave notjiṋa tji va muna.

Omuhuka omunene weyuva ependukirwa, owo va muna omurumendu ngwa kurama pomukuro wokuvare. Eye we ve isana na tja: ‘Mwa pata omahundju?’ Owo va tja ku ye: ‘Kako!’ Omurumendu wa tja ku wo: “Yumbeye ombate yeṋu kokunene kwokayaha.” Tji va tjita nao, onete ye urire omahundju omengi nga tjaave ha yenene okuinanena mokayaha. Johanes tjimanga wa muna kutja omurumendu ngwi oJesus na tja ku ye: “Eye oMuhona!” Tjimanga, Petrus wa rurumina momeva na tjaara nga komukuro. Ovahongewa imbo varwe ve ya mokayaha.

 Tji va vaza komukuro, owo va vaza omboroto nomahundju ngu maye zikwa pomakara. Jesus we ve raera kutja ve ete omahundju wawo tjiva kutja ve weze keriro. Okuzambo wa tja: ‘Indjeye mu rye eriro romuhuka.’

Tji va za nokurya, Jesus wa pura Petrus na tja: ‘We ndji suvera pokupata omahundju?’ Petrus we mu zira a tja: ‘Ii Muhona, mo tjiwa kutja mbe ku suvera.’ Jesus wa tja: “Risa ozondjona zandje.” Rukwao Jesus wa pura na tja: ‘Petrus, we ndji suvera?’ Petrus wa tja: ‘Muhona, mo tjiwa kutja mbe ku suvera.’ Jesus wa tja: “Risa ozonḓu zandje.” Jesus wa pura otjikando otjitjatatu. Petrus wa hihamwa omutima na tja: “Muhona, mo tjiwa oviṋa avihe; mo tjiwa wina kutja mbe Ku suvera.” Jesus wa tja: “Risa ozonḓu zandje.” Okuzambo wa tja ku Petrus: “Ndji kongorera!”

“Jesus wa tjere ku wo: ‘Ndji kongorereye, nAmi me mu hongo okurira ovapate vovandu.’ Tjimanga owo arire tji va isa ozombate zawo nave Mu kongorere.”​—Mateus 4:19, 20