Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 70

Ovaengeli mave tjivisa ongwatero yaJesus

Ovaengeli mave tjivisa ongwatero yaJesus

Omuhonapare wouhona waRoma, Ombara yokombanda yena Augustus, wa rakiza kutja Ovajuda avehe ve yaruke kovihuro vyawo vyongwatero okukeritjangisa. Okutja Josef na Maria va ya koBetlehem, omuhoko waJosef ku wa zirire. Oro rwari oruveze rwaMaria okupanduka.

Owo tji va vaza mu Betlehem, oruveze ndwaave yenene okumuna otjomara rwa ri otjunda. Imbo Maria opa pandukira omuatje we Jesus. Eye we mu manga merapi ne mu rarisa metemba rozonyanda.

Popezu na Betlehem, ovarise aave risa ozonyanda zawo ouṱuku auhe. Tjimanga omuengeli we rimunikisa ku wo nowo ave kondorokwa i ondjerera yaJehova. Ovarise mba va urumine tjinene, posiya omuengeli wa tja: ‘Amu tira. Mbi nombuze ombwa. Messias  wa kwatwa ndinondi mu Betlehem.’ Mombapaiziro yeho, ovaengeli ovengi va munika meyuru amave tja: ‘Ondjozikiro ku Ndjambi meyuru nohange kombanda yehi.’ Okuzambo ovaengeli va zenga. Ovarise va raisa ongaro iṋe?

Ovarise va raerasana nave tja: ‘Indjeye tu yende koBetlehem.’ Owo va ya nave kahakaena kuna Josef na Maria motjunda pu nokanatje kawo.

Ovandu avehe mba zuva imbi omuengeli mbya raera kovarise va himinwe. Maria we ripurira oukoto komambo womuengeli nu kena pe yezemba. Ovarise va yaruka kozonyanda zawo, nave tja okuhepa ku Jehova koviṋa avihe mbi va muna nokuzuva.

“Tjinga amba za ku Ndjambi; nu nambano owAmi ngwi. Hi ere mouvara wandje omuini, nungwari Eye ongwe Ndji hinda.”​—Johanes 8:42