Twende kovidio oini

Twende komurya

Ovahongonone vaJehova

Toorora eraka Otjiherero

 EHONGWA 2

Mukuru wa ungura omurumendu nomukazendu omutenga

Mukuru wa ungura omurumendu nomukazendu omutenga

Jehova wa kuna otjikunino poruveze ndwaaru isanewa Eden. Otjikunino hi tjari novimbloma pekepeke, omiti novipuka. Okuzambo Mukuru wa ungura omurumendu omutenga Adam poruuma na suvire omuinyo meuru re. Mo tjiwa kutja pa tjitwa ye? Omurumendu ngwi wa rira omunamuinyo! Jehova wa twapo Adam kutja ma tjevere otjikunino nu e mu raere kutja ma ruke ovipuka omana.

Jehova wa yandja etwako enanḓengu ku Adam. Eye we mu raera kutja, ‘U nousemba okurya komiti avihe vyotjikunino otja pu mo vanga, pendje nomuti umwe wapeke. Tji wa ri ku wo mo ṱu.’

Kombunda Jehova wa tja: ‘Ami me ungurire Adam omuvatere.’ Eye wa rarisa Adam ozomboṱu ozonḓeu okuzambo a ungurisa orupati rwaAdam rumwe okumuungurira po omukazendu. Ena romukazendu ra ri Eva. Adam na Eva omba rira eṱunḓu etenga. Adam wa ri noumune uṋe ohunga nomukazendu we? Adam wa ri nondjoroka  tjinene nga tja tja: ‘Tara ku ihi Jehova tje ndji ungurira okuza porupati rwandje! Nambano mbi ri pu nomundu ngu ri tjimuna ami.’

Jehova wa raera Adam na Eva kutja ngave panduke ovanatje nu ve urise ehi. Eye aa vanga kutja ve kare nondjoroka otja tji mave ungura pamwe okutjita kutja ehi arihe ri rire oparadisa poo otjikunino otjiwa tjimuna Eden tji tja ri. Posiya oviṋa kavi karere nao. Omena ratjike? Matu kerihonga ovingi mekondwa ndi mari kongorere ko.

“Omuute wovandu kombutiro we ve utire omurumendu nomukazendu.”​—Mateus 19:4