Twende kovidio oini

Twende komurya

Ovahongonone vaJehova

Toorora eraka Otjiherero

Ehungi 1: Mukuru ma utu okuungura oviṋa

Ehungi 1: Mukuru ma utu okuungura oviṋa

OVIṊA avihe oviwa mbi tu navyo vi za ku Mukuru. Eye wa ungura eyuva okutupa ondjerera mutenya, nomueze nozonyose kokutja tu kare nondjerera mouṱuku. Nu Mukuru wa ungura ehi kokutja eṱe tu hupe mo.

Nungwari eyuva, omueze, ozonyose nehi kaaviṋa ovitenga Mukuru mbya ungura. Ove mo tjiwa kutja ovikwaye mbya ri ovitenga? Mukuru rutenga wa ungura ovandu tjimuna eye omuini. Eṱe katu yenene okumuna ovandu mba, otja tji tu ha yenene okumuna Mukuru. MOmbeibela ovandu mba ve isanewa ovaengeli. Mukuru wa ungura ovaengeli kokutja ve kare puna ye meyuru.

Omuengeli omutenga Mukuru ngwa ungura wa ri owapeke. Eye wa ri Omuzandu waMukuru omutenga nu eye aa ungura puna Ihe. Eye wa vatera Mukuru okuungura oviṋa avihe vyarwe tjimuna eyuva, omueze, ozonyose na wina ehi.

Ehi ra sanene pi oruveze ndo? Kombutiro kape nomundu ngwaa yenene okukara kombanda yehi. Kapa ri otjiṋa kaparukaze pendje nokuvare okunene kwomeva kombanda yehi arihe. Posi yokutja Mukuru aa vanga kutja pe kare ovandu kombanda yehi. Okutja eye wa uta okutuṱunina oviṋa. Eye wa tjita tjike?

Rutenga, ehi aari hepa ondjerera. Okutja Mukuru wa ungura ondjerera okuza keyuva kutja i munine kombanda yehi. Eye wa tjita kutja pe kare ouṱuku nomutenya. Kombunda yanao Mukuru wa tjita kutja ehi ri pite kombanda yokuvare.

Korutenga oko kakwa ri otjiṋa kombanda yehi. Aaku munika tjimuna otjiperendero tji mo munu mba. Kapa ri ozongara poo omiti poo ovipuka. Kapa ri nandarire omahundju kangamwa mokuvare. Mukuru wa ri noviungura ovingi tjinene okutjita kutja ehi ri rire ewa kovandu na kovipuka okukara mo.

Jeremia 10:12; Ovakolose 1:15-17; Genesis 1:1-10.

Okuti ongaango


Omapuriro

  • Oviṋa avihe oviwa vya za pi, nu mo yenene okuyandja otjihorera?
  • Otjiṋa otjitenga Mukuru tja mema otjikeṋa?
  • Omena ratjike omuengeli omutenga tja ri owapeke?
  • Handjuṋuna ehi kutja rasanene pi kombutiro. (Tara kotjiperendero.)
  • Mukuru wa uta vi okuṱunina ovandu novinamuinyo ehi?

Omapuriro omaweziwa

  • Lesa Jeremia 10:12.

    Ovitjiukwa viṋe vyoundu vyaMukuru mbi munika moviutwa vye? (Jer. 32:17; Rom. 11:33)

  • Lesa Ovakolose 1:15-17.

    Jesus wa ri norupa ruṋe moviutwa, nu ihi matji sokuṱuna vi komuano mbu matu tara ku ye? (Kol. 1:15-17)

  • Lesa Genesis 1:1-10.

    Ehi ra za pi? (Gen. 1:1)

    Pa tjitwa tjike meyuva etenga roviutwa? (Gen. 1: 3-5)

    Meyuva oritjavari roviutwa pa tjitwa tjike? (Gen. 1:7, 8)