Omuengeli Gabriel wa hindirwe komusuko omuwa wena Maria. Eye we mu raera kutja ma panduka omwatje ngu ma kahonapara otja ombara ngaaruhe. Omuatje, Jesus, wa kwaterwa motjunda, ovarise ku va ya okukemutara. Kombunda, onyose ya hongorera ovarumendu mba za komuhuka okuyenda kokanatje okaṱiṱi. Eṱe matu kerihonga kutja owaṋi ngwa tjita kutja owo ve mune onyose ndjo, nokutja Jesus wa yamwa vi kozongondjero zokumuzepa.

Okuzambo matu kamuna Jesus tja ri nozombura 12 ama hungire novahonge mondembeli. Ozombura 18 kombunda yanao, Jesus otja papitisiwa, okuzambo wa uta okuungura oviungura Mukuru mbye mu hindira kombanda yehi vyokuzuvarisa nokuhonga ohunga nouhona. Okumuvatera moviungura vye, Jesus wa toorora ovarumendu 12 neve ririsa ovaapostele ve.

Jesus wina wa tjita ovihimise ovingi. Eye wa risa omayovi yovandu nouhundju ouṱiṱi uriri nozomboroto ozonḓiṱi. Korusenina, matu kerihonga ohunga noviṋa ovingi mbya tjitwa ku Jesus meyuva esenina romuinyo we, nomuano eye mbwa zepewa. Jesus wa zuvarisa ombuze oure wozombura ape ndatu nohinga, okutja ORUPA 6 rwa kamburira mo oruveze ndu ri kaṱiṱi kombanda yozombura 34.

Jesus ma hongo