Twende kovidio oini

Twende komurya

Ovahongonone vaJehova

Toorora eraka Otjiherero

 OKUHUPA OTJOVAKRISTE

Okuritjinda mongaro ombwa nokuraisa ondengero ku hinga varwe okukarera Jehova

Okuritjinda mongaro ombwa nokuraisa ondengero ku hinga varwe okukarera Jehova

Omeritjindiro omawa wovakazendu mba uta okukarera Jehova, ye tjita kutja ovarumendu vawo ve yakure ouatjiri. Posi yokutja, ku kamburira mo ozombura ozengi zokupanḓera po kehi yomauzeu. (1Petr 2:21-23; 3:1, 2) Ove tji u tatumisiwa, kayende komurungu okutaara ouvi nouwa. (Rom 12:21) Indu tji mo hungire ohunga na Jehova ku nomurumendu woye, mape ya eye a ha puratene kove. Posi yokutja, eye tji ma munu otjihorera tjoye otjiwa, mape ya a utu okuvanga okutjiwa ohunga na Jehova.

Kondja okuzuva nawa oumune womukweṋu ngu mwa kupasana. (Fil 2:3, 4) Raisa otjari nounyaṋutima, nu kondja nomasa okuyenenisa omerizirira woye otjomukazendu. Kondja okupuratena nawa. (Jak 1:19) Kara nomuretima nu raisira omukweṋu ngu mwa kupasana kutja we mu suvera. Nandarire kutja omukweṋu ngu mwa kupasana ka raisa ongaro ombwa nondengero kove, mo yenene okukara nondjoroka okutjiwa kutja Jehova u vara ouṱakame woye pondondo yokombanda.​—1Petr 2:19, 20.

TARERA OKAVIDIO NGA JEHOVA U TU YANḒIPARISA KUTJA TU TJINDE OMAUZEU WETU, OKUZAMBO U ZIRE OMAPURIRO NGU MAYE KONGORERE MBA:

  • Grace Li wa ri nehupo nda sanene pi indu tja za nokukupwa?

  • Otjikeṋa tji tje mu nanena kouatjiri wOmbeibela?

  • Sisi Li wa yenena vi okupanḓera po kehi yomauzeu indu tja za nokupapitisiwa?

  • Otjikeṋa Sisi Li tja kumba ku Jehova ohunga nomurumendu we?

  • Ozondaya zaye Sisi Li nḓa muna mena rokutja we ritjinda mongaro ombwa nu wa raisa ondengero?

Okuritjinda mongaro ombwa nokuraisa ondengero otjiṋa otjinanḓengu tjinene!