Twende kovidio oini

Twende komurya

Ovahongonone vaJehova

Toorora eraka Otjiherero

 OKUHUPA OTJOVAKRISTE

Jehova wa suvera ovandu ovakohoke

Jehova wa suvera ovandu ovakohoke

‘Komba ondjuwo. Rikoha. Koha ovitjuma. Wonga ondova.’ Ovanene ovengi ve honga ovanatje vawo okukara ovakohoke kotutu. Posi yokutja, omirari vyoukohoke vya za ku Mukuru wetu omuyapuke. (Eks 30:18-20; Deut 23:14; 2Kor 7:1) Eṱe tu eta ohiviro ku Jehova, tji matu ṱiza otutu twetu noviṋa mbi tu na vyo oukohoke. (1Petr 1:14-16) Hapo nu tjike ohunga nondjuwo yetu nongondoroka na eṱe? Ovakriste ve kondja okuṱiza ehi ouhirona, nu kave tjiti tjimuna ovandu mbe imbirahi ondova morupanda. (Eps 115:16; Omavan 11:18) Nandarire oviṋa oviṱiṱi tjimuna okuimbirahi ozombapira zourekerisa pehi, poo ondova ngamwa aihe morupanda, vi yenena okuraisa kutja eṱe tu noumune uṋe ohunga noukohoke. Mu avihe mbi matu tjiti mehupo retu, eṱe tu vanga ‘okuraisa kutja oweṱe ovakarere va Ndjambi.’​—2Kor 6:3, 4.

TARERA OKAVIDIO NGA, MUKURU WA SUVERA OVANDU OVAKOHOKE, OKUZAMBO ZIRA OMAPURIRO NGA:

  • Tjiva ve tja omena raye tji ve ha ṱiza oviṋa vyawo oukohoke?

  • Omatwako wa Moses ya raisa vi oumune wa Jehova ohunga noukohoke?

  • Omomuano uṋe mu matu yenene okuyandja ohiviro ku Jehova nokuhina okuhungira otjiṋa?

Omomuano uṋe mu me yenene okuraisa kutja mbi noumune tjimuna owa Jehova ohunga noukohoke?