Twende kovidio oini

Twende komurya

Ovahongonone vaJehova

Toorora eraka Otjiherero

 OKUHUPA OTJOVAKRISTE

Tanga Jehova aruhe!

Tanga Jehova aruhe!

Omuinyo otjiyandjewa otjihuze. Omuano mbu tu ungurisa otjiyandjewa hi eyuva arihe ku raisa kutja tu u vara pondondo ndji ṱa pi. OtjOvahongonone vaJehova, tu kondja okuungurisa oviyandjewa vyetu nomasa wetu okuyozika omuyandje womuinyo Jehova. (Eps 36:9; Omavan 4:11) Posi yokutja, omerikendero weyuva arihe mouye ourunde mbwi u tjita kutja i rire oupupu okuhina okuripurira koviṋa oviyapuke. (Mar 4:18, 19) Auhe wetu ma sokuripura omuini okutja, ‘hapo mbi yandja imbi ovisembasemba ku Jehova? (Hos 14:2) Oviungura vyandje vi ṱuna vi komerikotameneno wandje? Ozondando zeṋe nḓu mbi na zo motjiungura tjaJehova? Omomuano uṋe mu me yenene okuneneparisa otjiungura tjandje tjokuzuvarisa?’ Tji wa munu kutja mo sokuriṱuna, kumba ku Jehova kokutja me ku vatere okutjita omarundurukiro. Nokuhina omaivaiviro, indu tji matu tanga Jehova eyuva arihe ku tjita kutja tu kowe nokukara nouṋingandu!—Eps 61:8.

Otjiyandjewa tjoye mo yandja ku uṋe?

TARERA OKAVIDIO NGA UNGURISA OTJIYANDJEWA TJOYE KU JEHOVA, KUZAMBO UZIRE OMAPURIRO NGU MAYE KONGORERE KO:

  • Ongwaye tje heri nawa okuungurisa otjiyndjewa tjoye mouye waSatan? (1Joh 2:17)

  • Ozondaya zeṋe nḓe ya ku imba mbe yandja imbi ovisembasemba ku Jehova?

  • Ove mo yenene vi okuungurisa otjiyandjewa tjoye nondjiviro ndji u na yo motjiungura tja Jehova?