Twende kovidio oini

Twende komurya

Ovahongonone vaJehova

Toorora eraka Otjiherero

 OKUHUPA OTJOVAKRISTE

Mitanda—Amu wombo okuuta okuungura ‘oviungura ovinene novinanḓengu’

Mitanda—Amu wombo okuuta okuungura ‘oviungura ovinene novinanḓengu’

Oupupu okuripura kutja matu karerere omitanda nokutja kamaatu roro okumuna “omayuva nozombura ozombi” nḓe za moukurundu mouye waSatan mbwi. (Omuzuv 12:1) Tjinangara oove omutanda, mo yenene okutara kutja u noruveze oruingi okuungura ovingi motjiungura tjaJehova tjimuna okuzuvarisa oruveze aruhe?

“Oruveze rwokumuna ouhumandu ru ya” ku eṱe atuhe nandarire komitanda. (Omuzuv 9:11) “Eṋe nandarire nao kamu nakutjiwa kutja muhuka mape kara vi!” (Jak 4:14) Kunao, amu wombo okuuta okuungura ovingi motjiungura tjaJehova tji pe heri ohepero. Uta ‘okuungura oviungura ovinene novinanḓengu’ ngunda ape noruveze kove okutjita nao. (1Kor 16:9) Ove konoo kakara nomuhihamwatima.

Ozondando tjiva nḓu mo yenene okurizikamisira:

  • Okuzuvarisa meraka rarwe

  • Otjiungura tjoukandjira

  • Okuyenda kozoskole zOuhona

  • Okukara norupa moviungura vyokutunga

  • Okuungura moBetel

  • Oviungura vyokuvarura ozombongo

Tjanga ozondando zoye motjiungura tjaJehova.