Twende kovidio oini

Twende komurya

Ovahongonone vaJehova

Toorora eraka Otjiherero

 OVIHUZE OKUZA MEMBO RA MUKURU | 2 OVAKORINTE 4-6

“Opu twa sokuungura nokuhaurwa”

“Opu twa sokuungura nokuhaurwa”

4:16-18

Ripurira komaṱunḓu yevari nge kara mondjuwo onguru nu ndji heri mongaro ombwa. Eṱunḓu rimwe ri nombameno. Nungwari indi ekwao ri nondjoroka. Omena ratjike? Omena rokutja eṱunḓu ndi nondjoroka, moruyaveze ropopezu mari tjindire kondjuwo ombe.

Ovakarere va Mukuru ve nomaundjiro omawa nge ve pa omasa nandarire kutja “oviutwa avihe vi tjemisiwa i omihihamo ohamukwao nozongama zomukazendu omukwate.” (Rom 8:22) Matu tjiwa kutja omarorero ngu tu muna nai, nandarire inga ngu twa kara na wo oure wozombura ozengi, ‘omapupu nu ye kapita tjimanga’ tji twa sasaneke ku nomuinyo waaruhe mouye oupe wa Mukuru. Tji twa yandja ombango kozondaya nḓu matu kamuna moruyaveze kehi yOuhona wa Mukuru, maku tu vatere okukara nondjoroka nokuhina okurihahiza.