Job wa pandjara ouini we auhe, nu wa ri momihihamo tjinene, posi yokutja wa ri omuṱakame. Okutja Satan aa kondjisa okutjita kutja Job me rihahize nu a ha ṱakama ku Jehova. “Omapanga” yetatu yaJob yeya. Rutenga, va raisa oruhoze rwawo. Okuzambo va haama puna Job nokuhina okuhungira embo nandarire rimwe romahuhumiṋino oure womayuva 7. Omambo nga kongorera ko ya ri omambo omavi nu wokumukuminina.

Job wa ṱakama ku Jehova nandarire kehi yoṋiṋikizire

6:3; 7:16; 9:20-22; 10:1, 12

  • Oruhoze orunene ndwa ri na rwo rwa tjita kutja Job ma kare noumune ouvi. Job ee ripura posyo kutja Mukuru ke nakonatja nouṱakame we.

  • Mena rokutja eye wa wire mombepo Job kena pe ripurira komapu warwe kutja ongwaye tjaa munu ouzeu.

  • Nandarire ngunda e ri moruhoze, Job wa raera imba mbaave mu kuminine ohunga norusuvero rwe ku Jehova.