Twende kovidio oini

Twende komurya

Ovahongonone vaJehova

Toorora eraka Otjiherero

 OKUHUPA OTJOVAKRISTE

Hapo Jehova ma munu ko vi?

Hapo Jehova ma munu ko vi?

Ngunda atu hiya toora omukambo ngamwa auhe, kutja omuṱiṱi poo omunene, hapo tu ripura oveni kutja, ‘Jehova ma munu ko vi?’ Nandarire kutja kamaatu yenene okutjiwa oviṋa avihe Jehova mbye ripura, eye u tu tjivisa ovingi mEmbo re mbi mavi tu vatere “okuungura otjiungura ngamwa atjihe otjiwa.” (2Tim 3:16, 17; Rom 11:33, 34) Jesus wa yenena okutjiwa ombango ya Jehova nawa na tjiti kutja i rire otjiṋa otjinanḓengu mehupo re. (Joh 4:34) Nga rire ondando yetu okuhorera ku Jesus nokukondja okutoora omikambo mbi mavi tjata ku Jehova.​—Joh 8:28, 29; Ef 5:15-17.

TARERA OKAVIDIO NGA KEEP PERCEIVING JEHOVAH’S WILL (LEV 19:18), OKUZAMBO U ZIRE OMAPURIRO NGU MAYE KONGORERE MBA:

  • Ongwaye tji matu sokuṱakamisa omirari vyOmbeibela mehupo retu?

  • Omurari uṋe wOmbeibela mbu matu sokukongorera indu tji matu toorora omizumbi?

  • Omurari uṋe wOmbeibela mbu mau sokuṱuna komizaro vyetu nomuano mbu tu riṱuna?

  • Omoviṋa viṋe vyarwe mu matu sokuṱakamisa omirari vyOmbeibela?

  • Matu yenene vi okutjiwa kutja Jehova u undjira ko tjike kweṱe?

Omikambo mbi mbi toora vi raisa tjike ohunga noupanga wandje kuna Jehova?