Josua na Salomo va tja kape nembo momambo waJehova aehe nga kwizika nge ha yenenisirwe. (Jos 23:14; 1Ozomb 8:56) Omambo wozohatoi ozonḓakame mbari nḓa, ye tupa omasa wokutja tu yenene okukara nongamburiro onḓikame. —2Kor 13:1; Tit 1:2.

Jehova wa yenenisa vi omakwizikiro we moruveze rwaJosua? Tarera ovidio ndji ‘Kapena embo rimwe nda kaera’ pu neṱunḓu roye. Okuzambo ripurira komapuriro nga: (1) Mo yenene vi okuhorera kongamburiro yaRahab? (Hebr 11:31; Jak 2:24-26) (2) Otjihorera tjaAkan tji raisa vi kutja okuhina onḓuviro ku twara kombandjarero? (3) Nandarire kutja ovature vaGibeon va ri ovarwe ozombanḓe, ongwaye tji va tjita Josua ovineya nave tjiti ohange kuna Israel? (4) Embo raJehova ra rira vi ouatjiri indu ozombara ndano zOvaamori tjaaze vanga okurwisa Israel? (Jos 10:5-14) (5) Jehova we ku vatera vi ngunda au kondja okutwa Ouhona waMukuru nousemba we poruveze orutenga mehupo roye?—Mat 6:33.

Otja tji matu ripurire ku imbi Jehova mbye tu tjitira morukapitaveze, mbye tu tjitira nai na mbi me ke tu tjitira moruyaveze, ongamburiro yetu momakwizikiro we i harera ko omasa.—Rom 8:31, 32.

Ove u nongamburiro tjimuna oyaJosua?