Twende kovidio oini

Twende komurya

Ovahongonone vaJehova

Toorora eraka Otjiherero

 OKUHUPA OTJOVAKRISTE

Ouhona—Ozombura 100 nokomurungu

Ouhona—Ozombura 100 nokomurungu

Imba mbe zera okurira ovature mOuhona waMukuru mave sokurihonga oviṋa avihe mbi mave yenene ohunga nOuhona nokutja wa yenenisa tjike. Omena ratjike? Okutjita nao maku yanḓiparisa ongamburiro yawo kutja Ouhona waMukuru u honapara nu matji ve hingi ‘okukaserekarera kozondekurona zawo’ ohunga nombuze ombwa yOuhona waMukuru. (Eps 45:1; 49:3) Ngunda amo tara okavidio nga Ouhona—Ozombura 100 nokomurungu, kondja okupaha omaziriro komapuriro ngu maye kongorere mba:

  1. Ongwaye enyando ndi “Photo-Drama of Creation” tji ra ri enyando ewa ku imba mbe ritara?

  2. Oradio ya ungurisiwa vi okuvasisa ombuze ombwa kovandu?

  3. Omiano viṋe vyarwe mbya ungurisiwa okuvasisa ombuze ombwa kovandu, nu kwa kongorera tjike?

  4. Omahongero motjiungura tjokuzuvarisa ya runduruka vi otja ozombura tjaaze kayenda?

  5. Ovahongwa vOskole yaGilead va muna omahongero waye?

  6. Ovakarere vaJehova va muna vi omahongero momaworonganeno wotukondwa?

  7. Otjikeṋa tji tji ku raisira kutja Ouhona waMukuru u honapara?

  8. Matu yenene vi okuraisa kutja tu yandja oruvara kOuhona waMukuru?