Epsalme 51 ra tjangwa i David indu omuprofete Natan tja za nokuraera David ohunga nourunde ounene mbwa tjita kuna Batseba. Omeritjiviro waDavid womomutima ye mu vera neye we risusuparisa ne rihepura omauvi we.—2Sam 12:1-14.

David wa tjitire ourunde posi yokutja kena pa pandjara oupanga we kuna Jehova

51:3, 4, 8-12, 17

  • Ngunda e hiye ritanaura nokurihepura omauvi we, omeritjiviro we womomutima aaye mu vere.

  • Eye wa hihamenwe tjinene kutja Mukuru kari nohange na ye nga tjee rimunu tjimuna omundu ngwa nyanyaurwa omaṱupa.

  • Eye aa zeri okuisirwa, nokuṱuna oupanga we kuna Jehova nokukara nondjoroka ndja ri na yo.

  • Eye we risusuparisa ne riheke ku Jehova okumuvatera kutja ma kare nonḓuviro ku ye.

  • Eye wa ri nongamburiro kutja Jehova me mu isire.