Twende kovidio oini

Twende komurya

Ovahongonone vaJehova

Toorora eraka Otjiherero

 OKUHUPA OTJOVAKRISTE

Omiano vyokupwisa omahongero wetu​—⁠okuhakaena kuna omundu auhe momaturiro wetu

Omiano vyokupwisa omahongero wetu​—⁠okuhakaena kuna omundu auhe momaturiro wetu

ONGWAYE TJE RI OHEPERO: Sakarja wa hunganeka kutja ovandu okuza moviwaṋa avihe na momaraka ayehe mave raisa onḓero kombuze ombwa. (Sak 8:23) Posiya hapo ouṋe ngu me ve hongo? (Rom 10:13-15) Eṱe tu nouyara nomerizira okuhaṋasana ombuze ombwa ku nomundu ngamwa momaturiro wetu.—od-E 84 opar.10-11

OMUANO WOKUTJITA NAO:

  • Rirongera. Hapo ove u hakaena pu novandu mbu ve hungira eraka rarwe? Mo yenene okuungurisa oprograma yo-JW Language okurihonga omambo omapupu. Poo ungurisa okayendjezewa koye, okumuraisira kutja ma yanene vi okupaha ondjivisiro onyingi me raka re morungovi ndwi o-jw.org.

  • Kara katumba. Indu tji mo zuvarisa okuza kondjuwo nondjuwo, wina zuvarisa kovandu mbu mave kapita morupanda poo ku imba mbu va haama mozohauto. Indu tji mozuvarisa morupanda, yandja ombango komazuvarisiro woye.

  • Ungura oukukutu. Kondja okuhakaena ku novandu mbe hakara ponganda aruhe. Tjita ozongondjero zokuhakaena ku nomundu ponganda aihe, ngahino eyuva tjingero poiri yarwe poo eyuva rarwe rotjiveke. Mo yenene okuhakaene ku noveniwonganda tjiva indu tji wa tjanga orutuu, mongoze, poo momazuvarisiro womorupanda.

  • Yaruka rukwao. Yaruka tjimanga komundu ngwa raisa ombango. Indu omundu ngwa raisa ombango tje hungira eraka rarwe kondja okupaha omuzuvarise nge hungira eraka ndo okumuvatera. Kayende komurungu okukemuvarura ngandu tji wa munu omuzuvarise nge hungira eraka re. —od-E 94 opar. 39-40

TARERA OKAVIDIO NGA OKUZUVARISA ‘NGA KOTUKONDWA TOKOKURE,’ OKUZAMBO U TARE KOMAPURIRO NGU MAYE KONGORERE KEHI MBA:

  • Omerirongerisiro yeṋe ovakambure ovakwetu ngu va tjita kokutja ve kahakaene ku novandu mberi kotukondwa two kozombanda? (1Kor 9:22, 23)

  • Omauzeu wa ye ngu va tuurunga?

  • Ozondaya zeṋe nḓu va muna?

  • Ozongondjero zeṋe nḓu mo tjiti kutja u hakaene ku novandu ovengi momaturiro woye mu u zuvarisira?