ONGWAYE TJE RI OHEPERO: Ovandu mbe rihonga Ombeibela ve sokuriyandja ku Jehova nave papitisiwa kutja ve yakurwe i ye. (1 Petr 3:21) Okuzambo, imba mbe hupa otja komakwizikiro ngu va tjita mave munu ondjeverero yaJehova. (Eps 91:1, 2) Omukriste u riyandja ku Jehova nungwari ka komundu, otjiungura kaaṋi poo otjira tjorive. Kunao, ovandu mbe rihonga Ombeibela mave sokukurisa orusuvero nondangi yawo ku Mukuru.—Rom 14:7, 8.

OMUANO WOKUTJITA NAO:

  • Otja tji mamu rihongo, hungirireye kokutja oviṋa mbi mamu rihongo mavi raisa tjike ohunga na Jehova. Raisa ounanḓengu wokulesa Ombeibela eyuva arihe nokukumba ku Jehova “nokuhaisa ko.” —1Tes 5:17; Jak 4:8.

  • Tunduuza omuhongwa woye kutja ma kare nondando yokuriyandja ku Jehova nokupapitisiwa. Nu wina mu vatera okutwapo ozondando ozonḓiṱi tjimuna okuzira pozombongarero zombongo poo okuzuvarisira ovararanganda novandu mbu ve ungura pamwe. Tjiwa kutja Jehova kaṋiṋikiza omundu okumukarera. Okuriyandja ku Jehova ondando omundu auhe kourike we ndji ma sokutjita.—Deut 30:19, 20.

  • Tunduuza omuhongwa woye okutjita omarundurukiro ngu ma hepa kutja ma yorokise omutima waJehova nu ma yenene okupapitisiwa. (Omiano 27:11) Mena rokutja omuhongwa woye mape ya a kambura orure okurundurura ozongaro novitjitwa tjiva, eye mape ya a hepa ombatero aruhe kutja ma yenene okuhukura omundu ingwi omukuru nu ma hwikike omundu omupe. (Ef 4:22-24) Raisira omuhongwa woye otupa tu tu kara mo-Watchtower tu tu nepu ndi “The Bible Changes Lives.”

  • Mu raera ohunga nondjoroka ove ndji wa muna mokukarera Jehova.—Jes 48:17, 18.