Ondjivisiro yokomurungu mai yenene okukuvatera okumuna ondjivisiro nḓe ri momambo wetu. O-Publications Index mu nongongorasaneno yomapu nomatjangwa nga ungurisiwa momambo wetu. Okambo komakonḓononeno kOvahongonone va Jehova ke yandja ondjivisiro tjingeyo, posi ya ndji he ri onyingi. Omambo ayeyevari nga mo yenene okuyemuna mo-Watchtower LIBRARY MORUNGOVI. Okambo kouvidio ousupi nomatjangwa make tu vatere okumuna okavidio okasupi ngu make yenene okukurisa ondjivisiro yoye indu tji mo tjiti omakonḓononeno woye omuini wOmbeibela.