Eziriro okuza mOmbeibela

 Ii. Jesus wa raera ovemukongorere kutja mave yenene okuyakura omapangero indu tja tja “mbe hepa omuverukise kawo mba mbe ri nawa, nungwari owo mba mba vera.” (Mateus 9:12) Nandarire kutja Ombeibela kambo ndi kahurura ohunga nomapangero, nungwari oro ri tu pa omirari mbi tu vatera kutja tu tjite ombango ya Mukuru.

Ripura omuini omapuriro nga

 1. Hapo omapangero ngu mba raerwa mbe ye zuu nawa? Ombeibela i tu pa ondunge yokutja matu sokupaha ondjivisiro ndji ri yo pendje ‘nokukambura membo ngamwa arihe.’—Omiano 14:15.

 2. Hapo hi kapure oumune warwe okuza kozonganga zarwe? ‘Ovayandjandunge’ mave yenene okukuvatera indu ongaro yoye tji ya ri re ongendise tjinene.—Omiano 15:22.

 3. Hapo omapangero nga maye kamburire mo omarakiza wOmbeibela ngu maye tja ri tjevereye ‘kombinḓu’?—Oviungura 15:20.

 4. Hapo omapangero nga maye kamburire mo oundjai? Ombeibela kai yakura omaungurisiro ‘woundjai.’ (Ovagalate 5:19-21) Okutjiwa kutja omapangero maye kamburire mo oundjai ripura omuini omapuriro nga:

•   Hapo onganga i ungurisa oundjai momapangero wayo?

•   Hapo omapangero nga ya zikamene kongamburiro yokutja omutjise mbwi wa etwa i yoomukuru wovisenginina poo ovanavita mbe ungurisa oundjai?

•   Hapo omapangero maye kamburire mo ozombunguhiro, omaveterero, ourozi na varwe ovingi poo omiti omipange mbya ungurwa poviṋa mbi mavi tjama koundjai?

 5. Hapo mbi yandja ombango tjinene kouveruke wandje? Ombeibela i tu rakiza kutja: “Oupore weṋu ngau tjiukwe i ovandu avehe.” (Ovafilipi 4:5) Indu tji tu hi nokurikenda tjinene ku tu vatera kutja tu yandje ombango ku “imbi mbi ri oviwaviwa” tjimuna oupanga wetu ku na Mukuru.—Ovafilipi 1:10; Mateus 5:3.