Մատչելիության կարգավորում

Ընտրել լեզուն

Անցնել երկրորդական մենյուին

Անցնել ցանկին

Անցնել բովանդակությանը

Եհովայի վկաներ

Հայերեն

«Աստվածաշնչի պատմությունների իմ ժողովածուն»

Պատմություն 46: Երիքովի պարիսպները

Պատմություն 46: Երիքովի պարիսպները

Ինչո՞ւ են Երիքովի այս պարիսպները փլվում։ Կարծես թե մի հզոր ռումբ է ընկել դրանց վրա։ Բայց այն օրերում ռումբեր գոյություն չունեին. անգամ հրացաններ չկային։ Սա Եհովայի կատարած հերթական հրաշքներից մեկն է։ Տեսնենք, թե ինչպես այն կատարվեց։

Երիքովի պարիսպները փուլ են գալիս

Լսի՛ր, թե Եհովան ինչ է հանձնարարում Հեսուին. «Դու և քո ռազմիկները պտտվեք քաղաքի շուրջ բոլորը։ Վեց օր պտտվեք օրական մեկ անգամ։ Ձեզ հետ վերցրեք ուխտի տապանակը։ Յոթ քահանաներ թող քայլեն տապանակի առջևից ու հնչեցնեն իրենց փողերը։

Իսկ յոթերորդ օրը դուք պիտի պտտվեք քաղաքի շուրջը յոթ անգամ։ Ապա սկսեք փողերը երկար հնչեցնել, ու ամեն մարդ թող ուժգին, մարտական ձայնով աղաղակի, և պարիսպները հիմնահատակ կփլվեն»։

Հեսուն ու ժողովուրդը անում են ճիշտ այնպես, ինչպես որ Եհովան է պատվիրում։ Երթի ընթացքում բոլորը լուռ են. ոչ մեկը մյուսի հետ բառ չի փոխանակում։ Լսվում են միայն փողերի ձայնն ու երթի դուրս եկած ռազմիկների ոտնաձայները։ Երիքովում ապրող Աստծու ժողովրդի թշնամիները, հավանաբար, ահ ու սարսափի մեջ են։ Տեսնո՞ւմ ես պատուհանից կախված կարմիր պարանը։ Դա ո՞ւմ պատուհանն է։ Այո՛, դա Ռախաբն է կախել, ինչպես որ ասել էին երկու հետախույզները։ Նրա ընտանիքի բոլոր անդամները Ռախաբի հետ ներսում են ու նրա հետ միասին հետևում են դեպքերի ընթացքին։

Հեսուն

Վերջապես, յոթերորդ օրը՝ քաղաքի շուրջը յոթ անգամ պտտվելուց հետո, փողերը հնչում են, պատերազմողներն աղաղակում են, և պարիսպները փուլ են գալիս։ Այդ ժամանակ Հեսուն հրամայում է. «Սպանե՛ք քաղաքի բոլոր բնակիչներին, իսկ քաղաքը՝ այրե՛ք։ Ամեն ինչ կրակի մատնե՛ք։ Միայն արծաթը, ոսկին, պղինձն ու երկաթը պահե՛ք Եհովայի գանձարանը տանելու համար»։

Իսկ այն երկու հետախույզներին Հեսուն պատվիրում է. «Գնացե՛ք Ռախաբի տուն ու դո՛ւրս հանեք նրան և իր ընտանիքին»։ Ռախաբն ու իր ընտանիքի բոլոր անդամները փրկվում են, ինչպես որ խոստացել էին հետախույզները։

Յեսու 6։1-25։



Հարցեր

  • Եհովան ռազմիկներին ու քահանաներին ի՞նչ է հանձնարարում անել վեց օր շարունակ։
  • Յոթերորդ օրը մարդիկ ի՞նչ պետք է անեն։
  • Ինչպես տեսնում ես նկարում, ի՞նչ է պատահում Երիքովի պարիսպներին։
  • Ինչո՞ւ է պատուհանից կարմիր պարան կախված։
  • Հեսուն ռազմիկներին պատվիրում է, որ ի՞նչ անեն քաղաքը ու նրա բնակիչներին, նաև արծաթը, ոսկին, պղինձն ու երկաթը։
  • Երկու հետախույզներ ի՞նչ պատվեր են ստանում։

Լրացուցիչ հարցեր

  • Կարդա՛ Յեսու 6։1-25 համարները։

    Ի՞նչ նմանություն կա յոթերորդ օրը Երիքովի շուրջը իսրայելացիների պտտվելու և այս վերջին օրերում Եհովայի վկաների կատարած քարոզչական գործունեության միջև (Յեսու 6։15, 16; Ես. 60։22; Մատթ. 24։14; Ա Կորնթ. 9։16)։

    Յեսու 6։26-ում արձանագրված մարգարեությունը ինչպե՞ս կատարվեց մոտավորապես 500 տարի հետո, և սա ի՞նչ է սովորեցնում մեզ Եհովայի խոսքի մասին (Յեսու 6։26; Գ Թագ 16։34; Ես. 55։11)։

Իմացիր ավելին

Ռախաբը հետևեց առաջնորդությանը

Երբ Երիքովի պարիսպները փլվեցին, Ռախաբն ու իր ընտանիքը կենդանի մնացին։