Անցնել բովանդակությանը

Անցնել երկրորդական մենյուին

Անցնել ցանկին

Եհովայի վկաներ

Հայերեն

Աստվածաշնչի պատմությունների իմ ժողովածուն

Պատմություն 18: Հակոբը գնում է Խառան

Պատմություն 18: Հակոբը գնում է Խառան

Գիտե՞ս, թե ովքեր են այս մարդիկ, որոնց հետ Հակոբը զրույցի է բռնվել։ Շատ օրեր ճանապարհորդելուց հետո Հակոբը վերջապես հասավ այս ջրհորին և հենց այստեղ էլ հանդիպել է նրանց։ Նրանք զբաղված էին իրենց ոչխարներին հոգ տանելով։ Հակոբի այն հարցին, թե իրենք որտեղի բնակիչներ են, նրանք պատասխանեցին, որ ապրում են Խառանում։ «Ճանաչո՞ւմ եք Լաբանին»,— հարցրեց Հակոբը։ «Իհա՛րկե ճանաչում ենք,— պատասխանեցին նրանք,— ահա նրա աղջիկ Ռաքելն այստեղ է բերում իրենց ոչխարներին»։ Տեսնո՞ւմ ես հեռվից եկող Ռաքելին։

Լսելով այդ խոսքերը՝ Հակոբն իսկույն ընդառաջ գնաց Ռաքելին, որպեսզի մի կողմ գլորի ջրհորի վրայի քարը, և իր մորեղբայր Լաբանի ոչխարները կարողանան ջուր խմել։ Այնուհետև Հակոբը համբուրեց Ռաքելին ու հայտնեց նրան իր ով լինելը։ Ռաքելին մեծ հուզմունք պատճառեց իրենց այդ հանդիպումը, և նա, գնալով տուն, պատմեց այդ ամենը իր հորը՝ Լաբանին։

Լաբանը շատ ուրախացավ՝ իմանալով, որ Հակոբը մտադիր է մնալ իրենց մոտ։ Իսկ երբ Հակոբը խնդրեց Ռաքելի ձեռքը, Լաբանը ուրախությամբ համաձայնվեց, բայց նաև ավելացրեց, որ դրա դիմաց Հակոբը յոթ տարի պետք է ձրի աշխատեր նրա դաշտում։ Հակոբն այնքան շատ էր սիրում Ռաքելին, որ ընդունեց այդ պայմանը։ Բայց երբ հասավ ամուսնության ժամանակը, գիտե՞ս ինչ տեղի ունեցավ։

Լաբանը Ռաքելի փոխարեն իր ավագ դուստր Լիային կնության տվեց Հակոբին։ Միայն այն ժամանակ, երբ նա համաձայնվեց աշխատել ևս յոթ տարի, տվեց նաև Ռաքելին։ Այդ ժամանակներում Աստված թույլ էր տալիս, որ տղամարդը մի քանի կին ունենա։ Իսկ ներկայիս համար Աստծու Խոսքը ցույց է տալիս, որ տղամարդը միայն մի կին պիտի ունենա։

Հակոբը հանդիպում է Ռաքելին

Ծննդոց 29։1-30։



Հարցեր

  • Ո՞վ է նկարում պատկերված երիտասարդ կինը, և Հակոբը ի՞նչ արեց նրա համար։
  • Հակոբը ի՞նչ է պատրաստ անել Ռաքելի հետ ամուսնանալու համար։
  • Լաբանը ինչպե՞ս վարվեց, երբ եկավ Հակոբի ու Ռաքելի ամուսնության ժամանակը։
  • Ռաքելի հետ ամուսնանալու համար Հակոբը համաձայնվեց ի՞նչ անել։

Լրացուցիչ հարցեր

  • Կարդա՛ Ծննդոց 29։1-30 համարները։

    Նույնիսկ երբ Լաբանը խաբեց նրան, Հակոբը ինչպե՞ս ցույց տվեց, որ ազնիվ է, և ի՞նչ դաս ենք քաղում դրանից (Ծննդ. 25։27; 29։26-28; Մատթ. 5։37)։

    Հակոբի օրինակը ինչպե՞ս է ցույց տալիս, որ սերը և սիրահարվածությունը տարբեր բաներ են (Ծննդ. 29։18, 20, 30; Երգ. 8։6)։

    Որո՞նք են այն չորս կանայք, որ դարձան Հակոբի ընտանիքի անդամները և հետագայում զավակներ ունեցան նրա համար (Ծննդ. 29։23, 24, 28, 29)։